toon een folio

r bovengeschreven lombarde J ter hoogte van twee regels, buiten de kolom boven de a een afkortingsstreep door een latere hand

Folio 1v uit Handschrift B

69		Jnt neder lant neuen den rijn
70	I 70	Doe wan hi voert met siere pijn
71		Haer lant dat noch zeere is vast
72		Ende zetteder in zommighe gast
73		Diese ghiselden ende dwonghen
74		Te dienen der roemscher tongen
75	I 75	Dus mosten si den zeghe verliesen
76		Die neder zassen heten nv vriesen
77		Die name wanic dat eerst vant
78		Rome want hets .i. cout lant
79		Heyden bleuen si noch hier naer
80	I 80	Meer dan .ccc. Jaer
81		Ende dienden heiden lantsheren
83		NV worden zeder moghendelike
84		Die coninghen van vranckerike
85	I 85	Heren ouer al duutslant
86		Also dat in hoer hant
87		Vrieslant quam als ghi sult horen
88		Want puppijn van harstele geboren
89		Diet zwaert van vranckeric droech
90	I 90	Hi hadde orloghe ghenoech
91		Jeghen roboude gods viant
92		Die hertoghe was van vrieslant
93		So dat hine verwan met eeren
94		Jnt carnacioen ons heren
95	I 95	Vj^C xc ende viere
96		Doe zende hi inden lande sciere
97		Willeboerde die eerst bekeerde
98		Die vriesen ende tgheloue leerde
99		Tot west cappelen dat hi quam
100	I 100	Daer hi aenbedende vernam
101		Marcuriose ouer eenen god
102		Dat beelde dor ons heeren ghebot
103		Brac hi ende heuet volc ghescouden
104		Mar dat heuet hi zwaer ontgouden
105	I 105	Want die marcuriuse wachten

106		Ende sloghen in sijn houet onsachte
107		Dat hi storte sijn bloet
108		Nochtan predicte hi metter spoet
109		Twoert ons heren als .i. stout seriant
110	I 110	Vanden west ende van vrieslant
111		Oestwaert doer die lande recht
112		Onthier went hi quam tutrecht
113		Dat wiltenborch hiet te voren
114		Die afgoden dede hi te voren
115	I 115	Ende maecter eene kerke mede
116		Misse te horen die kerstijnhede
117		Ende daer toe ons heeren woert
118		Ende vant te romen in die poert
119		Sergius die paeus benedide
120	I 120	Ende hine aertbiscop wiede
121		Te predecken ons heeren woert
122		Sette tutrecht in die poert
123		Den bisscops stoel ende besat
124		Als aertbisscop eerst die stat
125	I 125	Ende noyt zider ouer een
126		Ne wasser aertbisscop ne gheen
127		Jnghels was wiltenborch⁵ becant
128		Gheboren van noerthomber lant
129		Ende want dinghelsche sijn gewassen
130	I 130	Als men leest van neder zassen
131		Conste hi te bet die vriesche tale
132		Dit mach elc man prouen wael
133		JNt⁶ carnacioen ons heeren
134		Als ons vraye ystorie leeren
135	I 135	Vii^C. x. ende viere
136		Starf puppijn die stoute fier
137		Die gheboren was van herstele
138		Ende liet eene sone die gheselle
139		Des vaders was van hogen doen
140	I 140	Kaerl matheel⁷ hiet die gone
141		Die menighe scone vromichede

(klik op het plaatje om het te vergroten)