toon een folio

vriensen met de eerste n geëxpungeerd lombarde ter hoogte van één regel sd verbeterd uit iets anders lombarde ter hoogte van één regel

Folio 64r uit Handschrift C

8993		Den vriesen⁵⁴⁶ screefmen hare core
8994		Daer si mede al doer ende dore
8995	VI 1295	Souden rechten doe nam raet
8996		Die graue van henegouwen verstaet
8997		Om te varen anden coninc
8998		Van vrankeric om dese dinc
8999		Ende sciere keren ende latens niet
9000	VI 1300	Hi voer wech ende liet
9001		Den neue legghen tonghemake
9002		Van menisoen dus quam die sake
9003		Alst god woude dat hire of bleef
9004		Alsmen ons heren iaer screef
9005	VI 1305	Xii^c. ende xcix mede
9006		Tote haerlem indie stede
9007		Sinte martijns auonde bleef hi doet
9008		Des hadden die vriende rouwe groot
9009		Jnden winter als hi ghelach
9010	VI 1310	Doe sendemen ouer nacht ende dach
9011		Naden graue dat hi kere
9012		Sine moghen niet wesen sonder here
9013		Doe⁵⁴⁷ hijt vernam wart hi droeue
9014		Doe peinsde⁵⁴⁸ hi om sijn behoeue
9015	VI 1315	Ende quam int lant als hi eerst mochte
9016		Als hire in quam hi bedochte
9017		Sijn orbaer ende deden ter aerden
9018		Sinen neue ian met groter waerden
9019		Te reynsburch ints vaders graf
9020	VI 1320	Die anders dan wel seghet hier af
9021		Hi misdoet harde sere
9022		Dat weet god die ouerste here
9023		Dat die sticken dus toe quamen
9024		Des moghen si hem sere scamen
9025	VI 1325	Die so gaerne spreken quaet
9026		Ontboren sijs dat waer mijn raet

9027			Ende wreken hem mitter tonghe niet
9028			Als god woude ist ghesciet
9029	VII 1	¶	Die graue voer hare ende dare
9030			Te haerlem ende tot alcmare
9031			Te leyden te delf ende tordrecht
9032			Ende dede hem hulden na tslants recht
9033	VII 5		Alsmen pleghet inden steden
9034			Dede hi hem hulden na den zeden
9035			Van rinisse haren ian
9036			Was inden lande comen dan
9037			Biden graue van henegouwen
9038	VII 10		Jn dogheden ende in groter trouwen
9039			Op dat hi hem purgieren soude
9040			Ende claren vander scoude
9041			Met sinen vrienden ende maghen
9042			Van datten gheraet had bedragen
9043	VII 15		Van velsen alsmen heeft ghehoert
9044			Ende hier soudi setten voert
9045			Borghen die hi dede bescriuen
9046			Jn enen brieue doe most bliuen
9047			Want si den brief bezeghelen niet
9048	VII 20		Aldus is dat ghesciet
9049			Als⁵⁴⁹ her ian dit heeft verstaen
9050			Voer hi in zelant harde saen
9051			Ende ghinc die van borselen ane
9052			Dat hise brocht onder sine vane
9053	VII 25		Die graue voer te zericzee
9054			Heer ian hadde doe lieden mee
9055			Dan die graue conde ghecrigen
9056			Doe begonde her ian doe prigen
9057			Jeghen den graue alle daghe
9058	VII 30		Daer sint of quam menige plaghe
9059			Her ian streec doe scouden dure
9060			Ende dwanc die lude mitten vure