toon een folio

 
English | Nederlands
sin geschreven op rasuur, en ervóór twee geradeerde letters, waarvan de eerste een h was, de tweede mogelijk een a n verbeterd uit iets anders, mogelijk uit een ronde r onder de kolom in de marge de custode Wort hi te niete ende vergaet

Folio 72v uit Handschrift C

eerste pagina | vorige pagina | volgende pagina | thumbnails | vergelijk met andere versies |
10149     Mochtmen sien vele maste
10150     Daer quamen doe die zeusche gaste
10151     Jeghen stroem ende ieghen wint
10152     Joncheere willem dat ionghe kint
10153 VII 1125   Voer al mede ter hofsteden an
10154     Daer ontsceepte menich man
10155     Daer si qualike mochten ontflien
10156     Die blode durstent cume anesien
10157     Dattie coene wouden striden
10158 VII 1130   Die vlaminghe quamen ten seluen tiden
10159     Jeghen hem met groter ghere
10160     Ende worpen hem aldaer ter were
10161     Jeghen dat stoute zeusche diet
10162     Mar ne mochte helpen niet
10163 VII 1135   Al waren si stout in haren lande
10164     Ouer hem ghinc die scande
10165     Si verloren daer den strijt
10166     Men gheboet ter seluer tijt
10167     Datmen die scepen voeren soude
10168 VII 1140   Weder ten oerde ende also houde
10169     Dedemen daer datmen gheboet
10170     Ende al dat here clene ende groet
10171     Streken dor tlant altemale
10172     Dat deedsi om dat wetic wale
10173 VII 1145   Dat si seker wouden gaen
10174     Tscepe als ic heb verstaen
10175     Het gheuel als si achten
10176     Ende quamen recht inder nachten
10177     Weder tarnemuden binnen
10178 VII 1150   Sere blide in haren sinnen620
10179     Dit gheuel weet voer waer
10180     Alsmen screef ons heren iaer
10181     M. ccc ende twee
10182     Des donredaghes min no mee
10183 VII 1155   Voer palmdaghe indie goede tijt
10184     Alsmen orloghe noch strijt
10185     Jet begonnen soude te rechte
10186     Diet liden mochte sonder vechte
10187     VVillem die was harde blide
10188 VII 1160   Ende alle die van sire side
10189     Waren blide ende sere verhoghet
10190     Om dat god so had gheuoghet
10191     Die aerdssche bliscap mach niet duren
10192     Si verkeert tot so menigher vren
10193 VII 1165   Dauenture is onghestade
10194     Die leuen wille bi minen rade
10195     Hine sal hem verheffen niet
10196     Al ist dat hem gheluc ghesciet
10197     Want tongheual hoert so nauwe
10198 VII 1170   Hoer mensche ende dit woert kauwe
10199     Al moghestu bet dat dijn ghenoet
10200     Ontsaghestu el niet dan die doet
10201     Du souts di daer omme ghematen
10202     Ende dinen euenkersten laten
10203 VII 1175   Onuerduwet al bistu bouen
10204     Men sout prisen ende louen
10205     Daer ment vereyschte in elken lande
10206     Heuestu ghedaen grote scande
10207     Dinen vianden verhef di niet
10208 VII 1180   So misseliken is dat ghesciet
10209     Ende hoe die auenture621 keert
10210     Job die heuet ons gheleert
10211     Jc salt v segghen wildijt horen
10212     Als een mensch wart gheboren
10213 VII 1185   Vanden wiue leeft hi onlanghe
10214     Ende doghet menighe droefheit strange
10215     Als een bloeme comt hi voert
10216     Ende eermens yet weet een woert622
eerste pagina | vorige pagina | volgende pagina | thumbnails | vergelijk met andere versies |
620: sin geschreven op rasuur, en ervóór twee geradeerde letters, waarvan de eerste een h was, de tweede mogelijk een a
621: n verbeterd uit iets anders, mogelijk uit een ronde r
622: onder de kolom in de marge de custode Wort hi te niete ende vergaet