Zoek

Zoek

 
English | Nederlands
la verbeterd uit ha de punt is ter afscheiding van deze regel van het vers in de rechterkolom

Vergelijk regels 2877 tot en met 2926

vorige 50 regels   | volgende 50 regels | Ga naar regel
Handschrift C
(ga naar pagina) 		Handschrift B
(ga naar pagina) 		Handschrift A
(ga naar pagina)
2877     Graue willem hadde te hem waert   Graue willem hadde te hem waert   Graue willam hadde te hem waert
2878     Ene sinen broeder hiet florens   Eenen sinen broeder hiet florens   Enen sinen broeder hiet florens
2879     Die naerstelic al sijn ghepens   Die naerstelike al sijn gepens   Die nerenstelike al sijn ghepens
2880 III 135   Sette al was hi proest ende clerc   Sette al was hi proeft ende cleerc   Sette al was hi proefst ende clerc
2881     Om te verwaren dat werc   Om te uerwaren dat weerc   Omme te verwaerne dat werc
2882     Want hi niet daer ieghen spaert   Want hi niet daer iegen spaert   Want hi niet daer ieghen spaert
2883     Die heren van kenemaren waert   Die heren van kenemaren waert   De heren van kenemaren waert
2884     Droeghen te scepe als die wise   Droegen te scepe als die wise   Droughen te scepe alse de wise
2885 III 140   Wapen harnasch ende spise   Wapen harnaschs ende spise   Wapene hernasch ende spise
2886     Her wouter ende her aelbrecht   Her wouter ende her aelbrecht   Her wouter ende her aelbrecht
2887     Hieten hem oec daer echt   Hieten hem oec daer echt   Hieten hem oec al daer echt
2888     Dat si den dijc taemstel wt staken   Dat si den dijc taemstel wt staken   Dat si den dijc tamestelle wt staken
2889     Om dat die hoghe watre in braken   Om dattie hoge watre in braken   Om dat de hoghe watre in braken
2890 III 145   Dit so dede des kenemaers here   Dit soe dede des kenemaers here   Ende dit so dede tkenemaersche here
2891     Ende noyt sone mocht met hare were   Ende noit so ne mocht met haer were   Ende noit sone mocht met haerre were
2892     Die vanden bisdom verbieden   Die vanden bisdoem verbieden   De vanden bisscopdoeme verbieden
2893     Met alder macht van haren lieden   Met alder macht van haren lieden   Met alder macht van haren lieden
2894     Die kenemaren voeren hene   Die kenemaren voren henen   De kenemaren en voeren hene
2895 III 150   Doer tlant205 ouer aldie vene   Dor tlant ouer al die venen   Duert lant ouer al dat vene
2896     Ende verbornden te hant   Ende verbornden te hant   Ende verbernde te hant
2897     Van aemstel al dat lant   Van aemstel al dat lant   Van amestelle al dat lant
2898     Ende roefden al dat si vonden   Ende roefden al dat si vonden   Ende roueden al dat si vonden
2899     Aemstel sine veste tien stonden   Aemstel sine veste tien stonden   Amestelle sine veste tien stonden
2900 III 155   Dat bornden si al inden gront   Dat bornden si al in den gronden   De berneden si al inden gront
2901     Menich appelboem diere stont   Menich appelboem diere stonden   Menich appelboem diere stont
2902     Wort verbornt vanden luden   Wort verbornt van dien luden   Wort verbent van den luden
2903     Doe voeren si van danen te muden   Doe voren si van danen te muden   Doe voeren si van daer te muden
2904     Ende verbornden die stede   Ende verbornden die stede   Ende verberneden de stede
2905 III 160   Ende wesep al tote broclede   Ende wesep al tote broclede   Ende wesep al tote brueleke
2906     Hebben si verheert ende van hem somen   Hebben si uerheert ende van hem somen   Hebben si verheert ende van hem somen.98
2907     Hebben si vaste ghisele ghenomen   Hebben si vaste ghisel genomen   Hebben si vaste te ghisel ghenomen
2908     Dus sijn si te scepe ghekeert   Dus sijn si te scepe gekeert   Dus sijn si te scepe ghekeert
2909     Als sijt hadden al onteert   Alsijt hadden al onteert   Als sijt aldus hadden onteert
2910 III 165   Die bisscop van vtrecht verhoert   Die biscop van vtrecht uerhoert   De bisscop van vtrecht heeft verhoort
2911     Des lants scade entie moert   Des lants scade entie moert   Sijns lants scade entie moort
2912     Ende versaemde groet here   Ende versaemde groot heere   Ende versamende groot heer
2913     Alse die wille hadde ende ghere   Alse die wille hadde ende ghere   Alse de wilde ende hadde gheer
2914     Te wreken sine grote scade   Te wreken sine grote scade   Te wrekene sine grote scade
2915 III 170   Ter were quam hi met rade   Ter were quam hi met rade   Ter were so quam hi met rade
2916     Daer die proest florens lach   Daer die proeft florens lach   Daer de proofst florens lach
2917     Ende wachte nacht ende dach   Ende wachte nacht ende dach   Ende wachte nacht ende dach
2918     Din vaert van noorthollant   Die vaert van noort hollant   Dinvaert van noorthollant
2919     Sine ridders begauen thant   Sine ridders begauen thant   Sine ridders begauene te hant
2920 III 175   Die met hem indie veste lagen   Die met hem in die veste lagen   Die mit hem inder vesten laghen
2921     Als die ouer een des draghen   Als die ouer een des dragen   Als de ouer een des draghen
2922     Dat sijs hem waren onhout   Dat sijs hem waren onhout   Dat sijs hem waren onhout
2923     Daer wart ghewonnen met ghewout   Daert wart ghewonnen met ghewout   Daer was ghewonnen met ghewout
2924     Die veste ende te broken saen   Die veste ende te broken saen   Die veste ende te broken zaen
2925 III 180   Ende die proest florens gheuaen   Ende die proeft florens geuaen   Ende de proefst florens was ghevaen
2926     Dus wart noorthollant ghescent   Dus wart noort hollant ghescent   Ende te hant ter hurst ghesent

vorige 50 regels   | volgende 50 regels | Ga naar regel

205: la verbeterd uit ha
98: de punt is ter afscheiding van deze regel van het vers in de rechterkolom