index

Contact

de lange s verbeterd uit een korte stok ih’us xps met een afkortingsstreep boven xp in de marge onder de kolom de custode Van deser vanghenissen blide vanaf hier hand D s in tweede instantie bovengeschreven

Vergelijk regels 6146 tot en met 6195

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




6146	IV 1490		Gheraet van velsen trac mettien		Gheraet van velsen trac mettien		Gheraert van velsen trac mettien

6147			Sijn swaert ende swoer bi gode		Si swaert ende swoer bi gode		Sijn zweert ende swoer bi gode

6148			Ghi mocht dat ghemaken ode		Ghi mocht dat ghemaken ode		Ghi moghet dat ghemaken ode

6149			Jc sla v tswaert in toten tanden		Jc sla v tswaert in al toten tanden		Jc sal v tsweert tote inden tanden

6150			Dat mochte den graue seer anden		Dat mocht den graue sere anden		Dit mochte den graue seer anden

6151	IV 1495		Datten gheraet woude ontliuen		Datten gheraet woude ontliuen		Datten gheraert wilde ontliuen

6152			Daer most hi gheuanghen bliuen		Daer moeste hi gheuanghen bliuen		Daer most hi gheuanghen bliuen

6153			Wast hem lief ofte leet		Wast hem lief ofte leet		Wast hem lief ofte leet

6154			Een knape daer tusschen reet		Een knape daer tusschen reet		Een knape daer tusschen reet

6155			Die met ianne daer was comen		Die met ianne daer was comen		De met ianne daer was comen

6156	IV 1500		Ende hadt hem gaerne benomen		Ende hadt hem gherne benomen		Ende hadt hem gheerne benomen

6157			Die knape wart daer ghewont seer		Die knape wart daer ghewont sere		De knape wort daer ghewont sere

6158			Ende sijn paert ten seluen keer		Ende sijn paert ten seluen kere		Ende sijn paert ten seluen kere

6159			Wort ghesleghen inden hals		Wart ghesleghen inden hals		Wort ghesleghen inden hals

6160			Die knape als ende als		Die knape als ende als		Dese knape als ende als

6161	IV 1505		Pijnde hem ter were ende niement el		Pijnde hem ter were ende niement el		Pijnde hem te weerne ende niement el

6162			En can gheweten hoet gheuel		Jn can gheweten hoet gheuel		En can gheweten hoet gheuel

6163			Dat si die kinder lieten riden		Dat si die kindere lieten riden		Dat si de kinder lieten riden

6164			Hadden sise gheuanghen ten selue tiden		Hadden sise gheuangen ten seluen tiden		Had sise gheuaen ten seluen tiden

6165			Si warens alle te bouen bleuen		Si warens alle te bouen bleuen		Si warens alte bouen bleuen

6166	IV 1510		Jc wane wel dat si beneuen		Jc wane wel dat si beneuen		Jc wane wel dat si beneuen

6167			Deen den anderen ter stat waert reden		Deen den andren ter stat waert reden		Deen den anderen ter stat waert reden

6168			Si hadden goede paerden bescreden		Si hadden goeden paerden bescreden		Si hadden goede paerde bescreden

6169			Ende reden sere ter poert waert		Ende reden seer ter poorten waert		Ende reden sere¹⁹⁵ ter stat waert

6170			Wat ghelopen mochte die paert		Wat ghelopen mochten die paert		Wat ghelopen mochten de paert

6171	IV 1515		Als si quamen indie stat		Als si quamen in die stat		Als si quamen in de stat

6172			Ende men daer vereysschede dat		Ende men daer vereysscede dat		Ende men daer gheureeschede dat

6173			Warens³⁷⁷ die vriende tonghemake		Waren die vriende tongemake		Waren de vreende tonghemake

6174			Alst billic was om dese zake		Alst billijc was om dese sake		Alst billic was om sulke zake

6175			Die viande waren an dander zide		Die viande waren an dander side²³²		Die viende waren an dander zide

6176	IV 1520		Van deser vanghenesse blide		²³³ Van deser vanghenisse blide		Van deser vanghenessen blide

6177			Si voeren te muden mitten graue		Si voeren te muden mitten graue		Si voeren te muden metten graue

6178			Te huse dat hi mit sire haue		Ten huse dat hi met siere hauen		Ten huse dat hi met siere haue

6179			Hadde ghecoft ende doen maken		Hadde ghecost ende doen maken		Hadde ghecocht ende doen maken

6180			Hem dochte doe in allen zaken		Hem dochte doe in allen saken		Hem dochte doe in allen zaken

6181	IV 1525		Dat si wel hadden gheuaren		Dat hi hadden voer wel gheuaren		Dat si wel hadden gheuaren

6182			Dit ghesciede inden iaren		Dit ghesciede inden iaren		Dit ghesciede in den iaren

6183			Ons heren gods dat hi bleef		Oons heeren goeds dat hi bleef		Ons heren goeds dat hi bleef

6184			Gheuaen alsmen screef		Gheuaen als men screef		Gheuanghen als men doe screef

6185			Recht doe ons heren iaer		Recht doe ons heeren iaer		Ons heren ihesus christus¹⁹⁶ iaer

6186	IV 1530		Xij^c ende daer naer		Xij^C. ende daer naer		.Xij^c. ende daer naer

6187			Effen xc ende sesse		Effen xc. ende sesse		Effene .neghentich ende sesse

6188			Alst was zinte ians messe		Alst was sinte ians messe		Als was sente ians messe

6189			Op die vighelie daer te voren		Op die vighelie daer te voren		Op de vigilie daer te voren

6190			Hier na suldi iammer horen		Hier na suldi wonder horen		Hier na suldi wonder horen

6191	IV 1535		Vanden lieden vanden lande		Vanden luden vanden lande		Vanden lieden vanden lande

6192			Hoe doe rees een nyewe scande		Hoe doe rees een niewe scande		Hoe doe rees ene niwe scande

6193			Ende sal eerst zeggen vanden lieden		Ende sal eerst zeggen vanden lieden		Ende sal eerst segghen vanden lieden

6194			Die droeuelic van vtrecht scieden		Die droeffelic van vtrecht scieden		De droeuelike van vtrecht scieden

6195			Die here van erkel nam beide		Die here van erkel nam beide		De here van arkele nam beide

vorige 50 regels \| volgende 50 regels \| Ga naar regel
		377: s in tweede instantie bovengeschreven		232: in de marge onder de kolom de custode Van deser vanghenissen blide 233: vanaf hier hand D		195: de lange s verbeterd uit een korte stok 196: ih’us xps met een afkortingsstreep boven xp