Registers van de Hollandse grafelijkheid 1299-1345

Graaf Willem III doet, na onderzoek in Staveren door Jacob bisschop van Zuden en op advies van de schepenen van die plaats, uitspraak in de twist tussen Otto Hesselsz. enerzijds en Herman Scoutinge en Fecke heer Allenz. anderzijds.

De onderstaande tekst is gebaseerd op afschrift B.

Wi Willaem^b grave^c etc.^d maken cont allen luden dat wi na den bezoeke dat een eersamen vader in Gode haer Jacob bi der ghenaden ons Heren bisscop van Zuden van onsen weghen in onser poerte van Staveren besocht hevet, alse van den twiste tusken Otten Hessels sone ende sinen helpers op die ene side ende Harman Scoutinghe ende Fecke haren Allen sone ende horen helpers op die ander zide, ter wareyden onder vonden hebben bi den ghemenen scepenen van Staveren ende segghen na der warreyde dat Otte heren Hessels sone voerscreven ghelden sal met sinen helpers Harman Scoutinghe ende Fecke haren Allen sone horen smerte ende hore smade neghenvout, gheliken dat men Jaerich^e Hopper sine smerte beterde.

In orkonde desen brieve etc. Ghegheven te Haerlem^f des dinxendaghes na sinte Jans daghe te uytghaende oeste int jaer ons Heren M CCC ende twintich.