Registers van de Hollandse grafelijkheid 1299-1345

Schepenen, raad en gemeente van 's-Gravenzande nemen van graaf Willem III de molen en het windrecht in het ambacht 's-Gravenzande in eeuwigdurende pacht, voor 35 pond Hollands per jaar.

Deze tekst is in B en C geschreven op een leeg blad voorafgaande aan het begin van een nieuw gedeelte, en is een secundaire toevoeging door latere handen. In de registers Noordholland was deze tekst eerder ingeschreven in de vorm van een notitie; zie nr. NH 57. Vgl. voorts nrs. NH 54-56 en 58.

De onderstaande tekst is gebaseerd op afschrift B.

Wi scepene^a, Raet ende die ghemeene poirte van den Zande maken cond allen luden dat wi jeghens onsen^b lieven ^c ende gherechten here heren Willame^d, grave ^e etc., teenen eeweliken pachte ghenomen hebben sinen molen int ambocht van den Zande ende al den wint van den ambochte voirs., omme vijf ende dortich pond Hollands^f sjairs die wi hem jairlix betalen sullen, die eene helft te Paschen Zande marct ende die ander helft ^g te herfst Zande marct, ende alsoe van jare te jaire eewelike in ghereeden penninghe jof panden die den dorden penning beter sijn die men driven jof draghen mach; ende ware dat wi des niet en deden, wair bi dat onse lieve here die grave voirnoemd of sijn rentemeister cost ende scade dair bi deden bi ghebreke van ons, dat gheloven wi hem in goeden trouwen op te rechten mit den hoefstoele^h op sijns selves segghen, sonder airchlist.

In orconde desen brieve beseghelt met onser poirte seghel van den Zandeⁱ. Ghedaen in den Haghe op der Heyligher Crucen avond in^j septembre int jair^k ons Heren M CCC ende neghentiene.