Registers van de Hollandse grafelijkheid 1299-1345

Graaf Willem III vergunt heer Dirk Bokel, ridder, dat diens leengoed bij een overlijden zonder wettige zoon zal overgaan op diens wettige dochter Agnes als een recht leen, uitgezonderd het ambacht Rotterdam en de daarbinnen gelegen goederen en inkomsten en de waard vóór Rotterdam.

Wi Willaem^a grave van Henegouwen^b, van Holland, van Zeeland ende here van Vrieseland^c maken kond allen luden^d dat wi heren Dieric Bokel, ridder, onsen trouwen man, omme menighen trouwen dienst die hi ons ghedaen hevet ende noch doen sal zulke gratie ghedaen hebben dat al dat leengoed dat hi huden des daghes van ons houd^e, uutghenomen dat ambocht van Rotterdamme^f ende al goed^g dat hi van ons houd ende binnen den ambochte van Rotterdamme^h voerseyt gheleghen es, ende dienⁱ waert voer Rotterdamme^j, ende^k alsulc verval ende scoenesse alze den^l ambochte van Rotterdamme^m toe behoert binnen den vorseyden ambochte, ende die hi van ons houd na sire doet, sturve hi sonder wittachtichen sone, comen zoude op Agniesen siere wittachtigher dochter die hi nu ter wilen hevet; ende die zalt van ons ende van onser nacomelinghe houden teenenⁿ rechten liene. Hier over waren Gillijs^o van Cralinghen^p ende Arnoud van den Dorpe.

In orkonden desen brieve^q etc. Ghegheven tote^r Dordrecht^s des manendaechs na sente Jacobs dach int jaer ons Heren M^o CCC^ot XXVII^o.