Registers van de Hollandse grafelijkheid 1299-1345

Jacob van Moordrecht, ridder, verkoopt aan graaf Willem III de korentiende en smaltiende in het ambacht Moordrecht, dat hij in leen houdt van heer Jan van Henegouwen, en draagt deze tienden op aan heer Jan met het verzoek ze in leen te geven aan degene of degenen die de graaf zal aanwijzen; de oorkonde wordt meebezegeld door vijf met name genoemde leenmannen van de graaf en van heer Jan.

Deze oorkonde is gedateerd op zondag na sint Maartensdag, zonder nadere verduidelijking. Hoewel het gezien de omringende oorkonden aannemelijk is dat daarmee sint Maartensdag in de winter (11 november) wordt bedoeld, is een datering naar sint Maartensdag in de zomer (4 juli) niet geheel uitgesloten, ook vanwege de vertraging waarmee niet-grafelijke oorkonden vaak werden geregistreerd.

Ic Jacob van Moirdrecht^a, ridder, make cond ende kenlic allen luden dat ic bi minen vrien wille vercoft hebbe minen lieven^b here heren Willame^c grave etc. den corentiende ende den smaltiende legghende in den ambocht van Moirdrecht^d dat ic houde van minen here heren Janne van Heynnegouwen^e, ende sceldene quite ende draghen op minen here Janne voirs. toit mijns heren sgraven behoef voirscreven ende des gheens jof der gheenre behoef die hi wille datten hebben; ende bidde minen lieven here heren Janne voirs. dat hi desen voirs. tiende verlien wille den ghenen diene mijn here die grave wille verleent hebben, in alden rechte te lene van hem te houden dat icken van hem helt.

Ende want ict doe mit vrien wille ende omme noet mijns lives^f ende mire eren, zo hebbe ic ghebeden edelen luden den here van der Lecke, heren Nyclaes^g van der Merewede^h, ridderen, mijns heren sgraven manne, Tielman den Moilnairⁱ, Gherid^j Alewijns sone ende Pouwels den Toilnair^k, mijns heren Jans manne voirs., dat si omme dat sire jeghenwoirdich waren in orkondscip desen brief mit mi beseghel^l mit horen seghelen. Ende wi Pieter van der Lecke, Clays^m van der Merwedeⁿ, ridderen, Tielman die Moilnair^o, Gherid^p Alewijns f. ende Pouwels die Toilnair^q omme bede heren Jacobs ende omme dat wire over gheweset hebben, zo hebben wi desen brief als orkonde mit hem beseghelt mit onsen seghelen. Ghegheven Tordrecht^r des sonnendaghes na sente Martijns dach int jaer ons Heren M CCC ende dortich.