Registers van de Hollandse grafelijkheid 1299-1345

Graaf Willem III schenkt abdis en gemeen convent van Leeuwenhorst een jaarrente van 10 pond Hollands ten behoeve van zijn dochter Aleid, die in het klooster is ingetreden, welke inkomsten na haar dood zullen worden aangewend voor zielmissen voor hem zelf.

Wi Willaem^a grave etc. maken cond etc. Want die abdisse ende tghemeene convent van der Lee hebben omme Goids willen ende om onser bede willen ghegheven Aliden, onser dochter, eene provende in hair goidshuys ende dair in ontfaen hebben, zoe hebben wi der abdissen ende den convente voirs. ghegheven ende gheven omme Goids willen tien pond Hollands^b sjairs, dair wi hem voir bewisen ende gheven die erfhure int Honterland^c die ons ane bestarf van Egghebrecht^d Dieric^e veren Hasekijns^f soens sone^g, die maket neghen^h pond achtien scellinghe Hollandsⁱ ende zessendedertich hoenre sjairs, in deser manieren dat Alijd^j onse dochter voirs. die voirscreven renten op heffen sal ende bruken in hairre oirbair alse langhe als si levet; ende na hairre doit soe sullen die voirnoemde renten int voirseide goidshus bliven ewelike staende, onse memori mede te doene.

In orkonde etc. Ghegheven in die Haghe des sonnendaghes up sente Laurens^k avond int jair ons Heren M CCC twee ende dortich.