Registers van de Hollandse grafelijkheid 1299-1345

Graaf Willem III geeft met instemming van de burggraaf en de burggravin van Leiden aan Gillis van Kralingen de opdracht om ambacht, heerlijkheid, eigen goed en leengoed dat tot het burggraafschap van Leiden behoort te beheren en daarvan tegenover de burggraaf en burggravin rekenschap af te leggen; voorts beveelt hij alle inwoners van het burggraafschap Gillis te gehoorzamen en behulpzaam te zijn bij deze taak.

Vgl. nrs. NH 622, 623, 628, 629 en 631.

Willaem^a ..grave^b van Heynnegouwen^c, van Holland^d ende here van Vriesland maken cond allen luden dat wi bi concente ende goeddencken des burchgrave ende der burchgravinnen van Leyden bevolen hebben ende bevelen mid desen brieve Gillijs^e van Craylinghe alle ambochten ende heerlicheden ende al goed, eyghen ende lien, dat tote der burchgravescip van Leyden toe behoirt te bedriven ende te verwaren gheliken joft^f die burchgrave voirs. selve ware, tot onser eren ende tote des burchgraven oirbare, ende hier of sal hi den burchgrave ende der buchgravinnen voirnoemt goede rekeninghe doen soe wilke tijd dat sijs begheren, ende dair of voldoen. Ende ombieden al den ghenen die wonen in den ambochten ende in der heerlichede voirscreven die der burchgravescip van Leyden toe behoeren, ac wair zi gheleghen sien, sient porten, sient welgheboeren lude jof ghemeenten, dat si Gillijs^g voirs. onderdanich, ghehorich ende ghehulpich sien soe wair hijs te doene hevet omme dit goed voirs. te berechten; ende wair yemend die^h hi dair toe van onsen weghen vermaende ende hem niet te helpe en quame, dat souden wi hem also doen ontghelden dats hem een ander hoeden soude. Dit sal gheduren tot onsen wedersegghen ende des burchgraven voirscreven.

Ghegheven tote Sinteⁱ Gheerden berghe^j des vridaghes na sinte Lambrechts^k dach int jair ons Heren M^o CCC^o ses ende dortich.