Registers van de Hollandse grafelijkheid 1299-1345

Graaf Willem III gelast de bisschop van Zuden om met de daartoe aangestelde personen te inspecteren of de walen bij de Niewe vaart voldoende sterk bedijkt zijn, en staat garant voor de door deze en diens borgen in verband daarmee gemaakte onkosten.

Vgl. nrs. UT 39, 48, 50 en 54.

De onderstaande tekst is gebaseerd op afschrift B.

Wi Willaem^a grave^b van Heynnegouwen^c etc. maken cond etc. dat omme dien groeten noet die gheweset hevet ende noch ghescien mochte an die waden^d bi der Niewervairt, zo bevelen wi narenstelike onsen lieven gheesteliken vader den biscop van Zuden dat hi tote dien waden sie mitten ghenen wien dat bevolen es, wair bi dat die waden voirs. zo wel ende so vast ghemact sien dat Ghesticht van Utrecht^e ende onse land van Holland^f dair bi versekert sien ende sonder vrese bliven; ende wad ghelde dat hi dair in legghen sal jof wad belofte jof finieringhe dat hi dair omme^g doen sal, jof zo wad coste jof scade dat hi ende sine^h borghen die hi voir hem sal setten om die waden voirs. doen sullen ende sine borghen die hi voir hem setten sal, des ghelike dair of sullen wine scadeloes houden ende quite, sonder archlist.

In orkonde etc. Ghegheven toit Utrechtⁱ des vridaghes na Paisdach int jaer ons Heren M CCC twee ende twintich.