Registers van de Hollandse grafelijkheid 1299-1345

Graaf Willem III bevestigt ten overstaan van enkele met name genoemde leenmannen de schenking door Gijsbrecht van Kats, knaap, aan diens echtgenote jonkvrouw Elizabeth, dochter van heer Hubrecht Schenk, van een lijftocht bestaande uit 7 hoeven lands op de Hudsberg en 1 hoeve aan de Nieuwe vliet.

Wi Willaem^b grave etc. maken cont allen luden dat vor ons ende vor onse manne quam Ghisebrecht^c van Cats, onse man ende knape, ende makede met onser hand joncfrouwen Lisebetten sinen wive, heren Hubrecht^d Scenken dochter, tote hare rechter lijftochte VII hove lants die gheleghen sijn up Hidsberch^e ende strecken ane den Dievedijc^f, ende ene hove lants die gheleghen es up den^g Nuwen vliet, wilc lant^h vorscreven hi van ons in lene hout; ende wi verlenen ende verlien met desen jeghenwordighen brieve joncfrou Lisebetten vors. in rechter lijftochte ende ghelovense daer in te houden alse sede ende costume es van onsen lande. Hier over waren onse manne alse Dieric van Brederode, Gheretⁱ van Raephorst, Floris^j van der Boechorst^k ende^l Wouter Gheret^m.

In orconde etc. Ghegheven tote Kaynoet des sonnendaghes na sente Martijnsⁿ dach in den somer int jaer ^o XXVIII°.