Registers van de Hollandse grafelijkheid 1299-1345

Jan van Lichtenberg belooft graaf Willem III dat hij, wanneer hij in oorlog zou raken met de stad Utrecht, hij zich in alle kwesties tussen hem en de stad zal onderwerpen aan de grafelijke uitspraak; de oorkonde wordt meebezegeld door zijn verwanten heer Hendrik van Loenersloot, deken van Sint Jan te Utrecht, heer Simon van Benthem, ridder, en Dirk van Sassenheim.

Vgl. nrs. UT 121 en 123 alsmede nr. GE 39.

Ic Jan van Lichtenberch make cond ende kenlic allen luden dat ic ghelovet hebbe bi mire trouwen enen edelen moghenden here, minen lieven here heren Willaem^a grave Heynnegouwen^b etc.: wair dat sake dat ic in enen oirloghe vel metter stat van Utrecht^c, dat ics^d minen^e lieven here van Heynnegouwen^f ende van Holland^g voirnoemd gheloven soude toit alre tijd als hijs mi vermaende jof vermanen dede bi sinen ghewaerden bode alre saken ende stucken die die voirscreven stat van Utrecht op mi of ic op hem te segghen mochte hebben, sonder archlist;

ende hebbe ghebeden minen lieven maghen heren Heynric van Lonresloete^h, deken van Sente Jans toit Utrecht, heren Symon van Benthem ende Dieric van Zassenaem dat si desen jeghenwoirdighen brief in kennessen hier of med mi bezeghelen willen. Ende wi hair Heynricⁱ van Loenresloete^j, deken van Sente Jans tUtrecht^k, Symon van Benthem^l, ridder, ende Dieric van Zassenaem voirscreven hebben omme bede Jans van Lichtenberch voirs. desen brief omme die meerre zekerheyde mit hem bezeghelt. Ghegheven in die Haghe op sente Servaes^m dach int jaer ons Heren M CCC neghen ende twintich.