Registers van de Hollandse grafelijkheid 1299-1345

Graaf Willem III belooft Wouter Gerard, door bisschop Jan III van Utrecht aangesteld als maarschalk van het Sticht aan deze zijde van de IJssel, te zullen steunen wanneer deze handelt naar zijn aanwijzingen of naar die van heer Jan van Polanen, baljuw van Rijnland en Woerden, en hij gelast Jan en zijn andere baljuws van Holland, Kennemerland, West-Friesland en Amstelland dat zij Wouter te hulp komen wanneer deze daarom vraagt.

Vgl. nrs. UT 136 en 138.

Wi Willaem^b grave van Heynnegouwen^c etc. maken cond etc. Want een eersame vader in Gode, here Jan bi der ghenaden Gods biscop tUtrecht^d, onse lieve here, bevolen hevet bi onsen rade Wouter Gherard^e sijn marscalc ambocht in sinen Ghestichte an des side der Isel^f, so gheloven wi Wouter Gherard^g voirs.: waert dat hem enich stoet viele of datten yemand weder stonde in desen voirs. ambocht, also verre als hi werct bi ons of bi heren Janne van Polanen^h, dien wi in onse stede gheset hebben, te helpen ende te starken, ende willen dat houden an hoir lijf ende an hoir goed den ghenen dien wederstaenⁱ. Waer^j omme wi ombieden ende bevelen u heren Janne van Polanen, onsen bailiu van Rijnland ende van Woerden, ende anders onsen bailiuwen van onsen lande van Holland^k, van Kennemerland^l, van Vriesland ende van Aemstelreland dat ghi Wouter Gherard^m also te helpen comet als ghijs van hem vermaent wort, dat hi onse ere ende des Ghestichts orbair verwaren mogheⁿ. Ende Wouter Gherard^o sal rekeninghe doen onsen here van Utrecht^p jaerlix bi ons of bi den ghenen die wi bi hem senden; ende hi sal bliven in den ambocht toit wedersegghen ons heren des biscops van Utrecht^q voirs.

In orkonde etc. Ghegheven int jaer ons Heren M CCC XXXI des woensdaghes na Paesdach.