Graaf Willem IV schenkt zijn roedrager Jacob Lizenz. voor de duur van diens leven 6 pond Hollands jaarlijks, uit te keren door de rentmeester van Amstelland.
Jacob Lisen z.
In de bovenmarge: Aemsterlant a ende Waterland. – De oorkondetekst is doorgestreept. In de marge, door andere hand: Exspiravit.
Wi Willaem grave van Heynnegouwenb etc. maken cond allen luden dat wi ghegheven hebben ende gheven voir ons ende voir onse nacomelinghe met desen brieve Jacob Lisen zoen, onsen roedragher, omme menighen dienst dien hi ons ghedaen hevet ende doen sal ses pond Hollandsc tsjaers tot sinen live, den ouden groten coninx Tornoysed voir achte pennighe Hollandse gherekent, ende die wi him ghewijst hebben ende bewisen alle jare inte nemen ende te ontfane toit elken sinte Marien lichtmissef naest comende; ende onbieden onse rentmeester van Aemsterlandg die nu es of namaels wesen sal dat hi alle jare up den termijn voirs. Jacob vornoemd also langhe als hi levet die voirs. renten uytrekent ende betailt, sonder ander ghebot van ons dair of te hebben, ende dair of nemen alle jare sinen open brief van quitancien voir ons mede te rekenen.
In orkonde desen brieve beseghelt mit onsen zeghele. Ghegheven in Middelburchh up sinte Pietersi dach inghaindej oiste int jair ons Heren M CCC XXXVIIIo.
W.k
l S(igillavit) Florentiusm de Haemsteden.