Registers van de Hollandse grafelijkheid 1299-1345

Heer Dirk van Brederode, heer Willem van Oudshoorn, heer Floris van der Boekhorst, ridders, en Gerard Alewijnsz. doen in naam van graaf (Willem IV) een uitspraak in de twist over een stuk veen tussen die van Vinkeveen enerzijds en die van Waverveen anderzijds.

Het is twijfelachtig of deze uitspraak ooit is uitgevaardigd in de vorm van een oorkonde.

Item^a des saterdaghes na sinte Bonifacius dach int jair XLII^o doe waren hair Dirc van Brederode, hair Willaem^b van Outshoirn, hair Florijs^c van der Boechorst^d, ridderen^e, ende Gherard^f Alewijns sone van sgraven weghen van Holland^g opt ghesceyt tusken Vinken vene ende Waver vene, ende droeghen des in een dat si toe seyden die van Waver vene horen veen op te bouwen tote an die rae jof sceydinghe die die van Vinken vene ghetrect ende gheeysket^{h i} hebben, ende niet dair over^j.

Item segghen wi dat die van Vinken vene horen veen op bouwen sullen tote an die rae jof sceydinghe die die van Waver vene ghetrect ende gheeysket^k hebben, ende niet dair over.

Item segghen wi dien veen die leyt binnen beyden raeen stille te legghen ende niemand te bruken noch hand ane te slane voir die tijt dat onse here die grave dien veen ghesceyden heeft jof doen sceyden.

Vort is onse segghen dat hair Florijs^l van der Boechorst ende Gillijs van der Are die van Waver vene op diene zijde ende die van Vinken vene op dander zijde onderlinghe vereffenen sullen ende versoenen van allen kive die si om den veen ghehadt hebben.