Registers van de Hollandse grafelijkheid 1299-1345

Graaf Willem III kent Jan, Simon en Elizabeth, kinderen van Wisse Gillisz. van Koudekerke, 60 pond Tournois toe in verband met een vordering die zij op hem hadden vanwege de verkoop door Wisse van de ambachten te Koudekerke en te Vlissingen aan graaf Floris V, hoewel niet te bewijzen was dat die vordering gegrond was; in ruil hiervoor schelden Jan, Simon en Elizabeth hem hun vordering van het gehele bedrag kwijt en cancelleren zij de bewijsstukken terzake.

Vgl. de in het register belendende nrs. ZE 93 en 95. Voor de in deze oorkonden genoemde verkoop door Gillis van Koudekerke van de ambachten van Koudekerke en Vlissingen aan graaf Floris V, die op 10 januari 1294 plaats vond, zie OHZ V nrs. 2849-2851.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken cond^c etc. dat Jan van Rubroec ende Adelise sijn wijf ons langhe tijd ghevolghet hebben omme scoud die die grave Florens, daer Goed die ziele of hebben moet, sculdich soude wesen bleven Wisse Gillijs^d sone van Coudekerke^e alse van ghecoften ambochten te Coudekerke^f ende te Vlissinghe, daer meyster Willaem^g Loef ende Simon^h van der Hoghen een segghen ofⁱ gheseghet^j souden hebben, ende van deser scout soude^k Jan, Symon ende ^l Lizebet^m Wisse Gillijs soenⁿ kindere voirscreven die ene helfte toe behoren^o; van wilker scout wi niet gheproeve en konnen weder wise sculdich waren jof en waren, mar omme Goids willen ende om bede van goeden luden ende omme horer ouder dienst willen soe hebben wi hem te gratien ghedaen ende bewijst voir horer helfte van der scout: zestich pond Tornois^p. Ende ombieden Vrederic onsen rentemeyster van Zeland^q dat hi hem dese zestich pond voirscreven gheve binnen deser meyen naist comende uyt onser bede; ende van alsoe vele^r zullen wi hem quiten met desen brieve in siere eirster rekeninghe. Ende hier bi hebben ons Jan, Simon^s ende Lisebet^t voirscreven van allen eysken die si ons eysken mochten tote op den dach toe van huden quite ghescouden, ende ghescoert enen brief van den grave Florens voirs. ende enen brief van kennesse van mannen alse van den cope ende van der scout voerscreven.

Ghegheven in Middelburch^u des^v donresdaghes na Paesdaghe int jaer ons Heren M CCC ende een ende twintich.