Registers van de Hollandse grafelijkheid 1299-1345

Graaf Willem III gelast degenen die ingezetenen waren van het ambacht van Pieter van den Vliet in de tijd dat Pieter als helper van Jan Hendriksz. werd beboet, dat zij hun aandeel in Pieters boete betalen op basis van hun toenmalige grondbezit; dit geldt ook voor degenen die inmiddels zijn verhuisd.

De onderstaande tekst is gebaseerd op afschrift B.

Wi Willaem^a grave van Henegouwen^b etc. ombieden alle den ghenen die woenden in Pieters ambocht van den Vliete^c tote dien tiden dat hi in Jan Heynric^d soens helpe^e quam, dat ghi^f met Pieter voirs.^g ghelt alsulke verboirnesse alse Jan Heyrix^h sone verboirde ende Pieter met hem inⁱ bevallen^j es, alsoe groet als si berekenen moghen ghemet ghemet ghelike van also vele lands als ghi^k doe ten tiden had dat die dinghen ghesceyden^l. Ende waert dat hem yement ontrumet waer die tote dien tiden onder^m hem woende, soe ghebieden wi sinen ambochts here dat hi Pieter dat ghelt in pande; ende wil hi des niet doen, soe gheven wi Pieter oirlof daer mede te rekenen jeghens onsen rentemeyster, ende bevelenⁿ onsen rentemeyster dat hijt weder in pande van den ghenen daerd ane ghebreket van onsen weghen^o.

Ghegheven in Middelburch^p des vridaghes na Paesdach int jaer ons Heren M CCC ende een ende twintich.