Registers van de Hollandse grafelijkheid 1299-1345

Graaf Willem III keurt goed dat zijn knaap Filips van Borsele diens echtgenote jonkvrouw Zoete heer Jorisdr. van Mare een lijftocht van 50 pond zwarten Tournois per jaar geeft, te trekken uit de ongeveer 21 gemet tienden in Westkerke en Oostkerke op Borsele die Filips van hem in leen houdt.

Wi Willaem^b grave etc. maken cont allen luden^c dat vor ons quam onse ghetrouwe knape Philips van Borselen ende maecte met onser hant joncfrouwe Zoeten sinen wive, haren Jorijs dochter van Maren, tote hare lijftochte vichtich pond suarter Tornoyse^d sjaers, die hi hare bewiset hevet up een ende twintich ghemete tiende lettel min jof meer die hi van ons hout in rechte lene, legghende in Borselen in die Westkerc^e ende in die Oestkerc^f, wilke lijftochte vorscreven wi der vorseyder joncfrouwen Zoeten verlyet hebben ende verlien nae sede ende ghewoente van onsen lande.

In orconde etc. Ghegheven in die Haghe up der Heyligher Cruyse^g dach in septembre int jaer ons Heren M CCC vier ende twintich.