Registers van de Hollandse grafelijkheid 1299-1345

Graaf Willem III verzoekt Nicolaas Hallincsz. en Jan Lemsz. de hun ter begeving staande helft van de pastoorsprebende van de kerk van Kerkwerve te schenken aan zijn klerk Hendrik Poppenz.; hij zelf heeft de andere helft, waarvan Gillis Boudewijnsz. diens collatierecht aan hem had overgedragen, inmiddels aan Hendrik gegeven.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Heynnegouwen^b etc. doen u te weten Clays Hallinx sone ende Jan Lems f. dat wi u voirmaels baden omme uwe deel van der ere helfte van der kerke te Kercwerve^c, die nu open es bi ser Wissen doet, dat ghijt gheven wilt Heynric^d Poppen sone onsen clerc omme onser bede wille, waer op ghi ons screvet bi uwen brieve dat ghi juwe ghifte vorsten^e ende houden ^f zout tot onser coemsten toe in Zeeland^g ende dan dair in doen als ons goet ende orbaerlic dochte; des ghi niet ghedaen en hebbet. Waer of wi u te weten doen ^h dat Gillijs Boudijns sone ende die hem volghen hoir deel van der ghifte van der kerken voirs. ons op ghedraghen ⁱ hebben tot deser tijt, ende wi hebbense Heynric Poppen sone voirs. omme Gode ghegheven, ende zullenre hem in te helpe comen zijn recht te verwaerne daer wi moghen; ende begheren noch an ju dat ghi omme Gode ende onsen wille Heynric voirs. noch met uwen dele van der kerken voirs. ^j Ende dair also toe doet als ghi wilt teere ander tijd dat wi omme uwen willen doen, als ghi onser te doen hebt jof als ghijs narenstelike begheert.

Ghegheven in Middelburch^k des manendaghes voir onser Vrouwen dach in marte^l int jaer ons Heren ^m M^o CCC^o endeⁿ XXVI^o.