Registers van de Hollandse grafelijkheid 1299-1345

Graaf Willem III schenkt zijn knaap Willem van den Poel een jaarrente van 8 pond Hollands uit een plaats geheten de Hel, gelegen bij Geertruidenberg bij de Dongemond aan de Maas.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c etc. maken kont allen luden dat wi Willame^d van den Poele, onsen trouwen knape, omme dienste die hi ons daen hevet ende noch doen zal ghegheven hebben ende gheven met desen brieve achte pond Hollands^e sjaers, den groten over achte penninghe gherekent, die wilke wi hem bewisen jaerlix intenemen ende tonfanghen tote elker Bamisse^f up enen oerd die gheheten es die Helle legghende bi Sinte Gheerden berghe^g tote Domgamonde^h an der Maseⁱ; ende ombieden^j onsen rentemeester van Zuytholland^k die nu es jof hier na wesen sal dat hise Willame voerseyt tote elker Bamisse syaers uyt rekene ende betale van onsen renten van den oirde voers., sonder ander ghebot van ons te hebben. Dit sal gheduren tot onsen wille jof toet onsen wedersegghen jof toter wilen dat wise hem in ander steden bewiset hebben.

In orkonde desen brieve etc. Ghegheven tote Berghen^l in Henegouwen^m desⁿ manendaghes na half meye int jaer ons Heren M^o CCC^o een ende twintich.