Registers van de Hollandse grafelijkheid 1299-1345

Graaf Willem III verkoopt de goede lieden wonend in het ambacht Nederveen de overmaat, zoals die aldaar is gevallen bij de laatste opmeting; voorts schenkt hij hun de vrije afwatering van de betreffende gronden.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. ZH 325. – Vgl. voorts nrs. ZH 374-375 en 377.

Wi Willaem^a grave ^b etc. maken cond etc. dat wi vercoft hebben onsen goeden luden ghemeenlike die wonachtich ende gheervet sien in den ambocht van Nedervene^c alsulke over mate als dair ghemeten was doemen dair achterste van onsen weghen mat, dair die mate of beghonde ane toistende van den ambochte van Nedervene ende ghinc twe hondertich roeden boven der herestraten; ende dese overmate also groet ende alse^d cleyne alse dair ghevallen es sullen wi ende onse nacomelinghe hem ende den ghenen die na hem comen sullen waren als een vri eyghen erve, ende dair of en sullen si diken noch dammen. Voirt so gheven wi hem enen waterganc dat erve te wateren vrilike dair hoir ander erve watert^e, sonder horen cost; ende dat wi noch onse nacomelinghe nimmermer ghene over mate hebben en sullen binnen desen palen voirscreven, sonder archlist.

In orkonde etc. Ghegheven des satersdaghes voir onser Vrouwen dach ter^f verholen^g int jaer ons Heren M CCC ende dortich.