Registers van de Hollandse grafelijkheid 1299-1345

Graaf Willem III belooft heer Willem van Duivenvoorde, heer van Oosterhout en zijn kamerling, dat hij, mocht hij in het bezit komen van het hoge en lage gerecht tussen de Batenbrug en de afscheiding van Oosterhout, die Willem tot nu toe van de heer van Breda in leen had, hem daarmee zal belenen.

Wi Willem^a ..grave^b van Heynnegouwen^c, van Holland^d ende here van Vriesland^e maken cont ende kenlijc allen luden^f dat wi ghegheven hebben^g ende gheven vor ons ende onse nacomelinghe heren Willemme^h van Duvenvoirde, here van Oesterhout, onsen camerlinc, ende sinen nacomelinghenⁱ de gherechten hoghe ende nedre die gheleghen sijn tusschen Batenbrugghe^j ende die heyninghe van Oesterhout^k, streckende nortwaert, oestwaert ende westwaert te half der Dongha toe, also verre als hise van den here van Breda hier toe ghehouden hevet, ware oec dat sake dat si ons of onsen nacomelinghen ane quamen in eneghere manieren; nochtan willen wi dat hise ende sine nacomelinghe van ons ende van onsen nacomelinghen houde in sulken leenen ende rechte als hise toit hier toe ghehouden hebben^l van den here van Breda voirs.

In orconde desen brieve ^m ghezeghelt met onsen groeten zeghele. Ghegheven tote Valenchijn des saterdaghes voir sente Jans dach Baptisteⁿ int jair ons Heren M^o CCC^o vier ende dortich.