Registers van de Hollandse grafelijkheid 1299-1345

Graaf Willem III verleent Gerard Alewijnsz. het recht om in diens ambacht Zwijndrecht keuren uit te vaardigen tot een boetebedrag van 10 schelling Hollands en aldaar elk jaar schepenen aan te stellen ten behoeve van het dijkbeheer, de rechtspraak en de inning van schulden.

Willaem^a ..grave^b van Heynnegouwen^c, van Holland^d ende here van Vriesland^e maken cond allen luden^f. Want wi den ghemeenen heerscippe van Zwindrecht^g in hore hantfesten ghegheven hebben dat si coeren maken moghen van scuttinghe, van scaden, van vechters boeten ende van anders des ghemeens lands oirbare dat jeghens onse recht niet en draghet, tote tien scellinghe Hollands^h toe, ende Gherardⁱ Alewijns sone sijn ambocht in Zwindrecht^j gairne bedriven soude soe hi reckelixte mochte, soe gheven wi hem mid desen brieve dat hi in sinen ambochte coeren maken moghe alse voirscreven es tote tien scellinghe Hollands^k toe ende niet dair boven, dair hi ende zine nacomelinghe, besitters van dien ambochte, die vrienden mede in rusten ende in besceyde houden, ende dat si jairlix scepen maken moghen den dijc van den ambochte mede te bedriven ende den luden recht mede te doene binnen den ambochte, ende van bekender scout te panden bi recht ende bi vonnisse van scepen.

Ghegheven tote Hairlem des dinxendaghes voir onser Vrouwen dach half oichste int jaer ons Heren M^o CCC^o ses ende dortich.