Registers van de Hollandse grafelijkheid 1299-1345

Burgemeesters, schepenen en gezworenen van Mechelen erkennen graaf Willem III 2000 zwarten Tournois schuldig te zijn en beloven dit bedrag te zullen betalen op 11 november 1320, en zeggen voorts toe dat zij bij te late betaling tevens de daaruit voortvloeiende onkosten en schade voor hun rekening zullen nemen, onder verband van al hun goederen; voorts verklaren zij dat mocht de graaf deze schuld op iemand anders overdragen, zij die persoon zullen betalen op dezelfde condities, en hem een gelijke schuldbrief zullen geven.

Vgl. nrs. BR 1-2 en 4-7.

De onderstaande tekst is gebaseerd op afschrift B.

Allen den ghenen die desen brief zullen zien of horen^a lesen, commungemeyster, scepenen, ghezuoren ende ^b van der stat van Machlen, saluit ende kennesse der waereit. Wi maken cond dat wi enen hoeghen ende moghenden prenche heren Willaem^c, grave^d van Heynnegouwen^e etc., sculdich sijn twiedusent pond zuaerter Tornoyse^f in paiemente, den groete Tornoyse^g over XVI d. gherekent, ende dit voirseyde ghelt hebben wi hem ghelovet^h ende gheloven in goeden trouwen te betailen binner der stat van Machlen of binnen der poirte van Brueseleⁱ jof binner der poirten van Dordrecht^j jof van Berghen in Heynnegouwen^k tote sinte Martijns^{l m} in dien winterⁿ die wesen zal int jaer ons Heren M CCC ende XX, in dier wilker poirte van desen vieren voirnoemd^o dat onse here die grave voirs. jof sinen ghewaerden bode die dese lettere bringhen zal zal begheren^p, sonder archlist. Ende ware dat zake dat wi dit ghelt niene betailden ten daghe voirnoemd alst voirscreven es, jof binnen^q dien XIIII nachten dair nare dat die dach voirs. gheleden ware, waer bi dat onse here die here die grave jof sijn ghewaerde bode, houder van deser letter, cost of scade dair bi name bi ghebreke van ons, dien cost ende dien scade gheloven wi hem op te rechten^r metten^s hoefstelle^t voirs. op sinen simpel segghen jof bi den simpel segghen van sinen ghewaerden bode die dese letteren hebben zoude^u, sonder ander proeve te doene ende sonder iet te minderen die cost vors. Ende om alle dese dinghen wel te houden ende te volcomene, in der vorme ende maniere dat voirscreven es, so hebben wi ons alle verbonden ende verbinden die poirters, die coeplude ende al die ghemeente van der stat van Machlen ende al hair goed, so waer ment vint, tarrasteren ende op te houden toter tijd dat wi volcomeliken al betaid hebben die voirnoemde scult ende die cost ende die scade ^v diere om soude wesen ghedaen, in der manieren dat voirscreven es, sonder archlist; ende ware dat zake dat onse here die grave binnen deser tijd voirs. deze scout voirnoemd jement opdroeghe jof bewisede an ons met desen brieve, zo gheloven wi in goeden trouwen den ghenen die hi an ons bewisen zal met deser lettere hem tghelt te betailen ghelike dat hier boven ghescreven es, ende hem gheven zullen dusghedane^w enen brief sprekende van woerde^x te woerde in sinen name alse dese brief doet, binnen den anderen daghe dat hi ons desen^y brief brengen zal, bezeghelt met onsen zeghel van den zaken.

In oirkonde deser letter bezeghelt met onsen zeghel van den zaken. Ghedaen int jaer ons Heren M CCC ende XIX^o des zonnendaghes na sinte Lucas dach.