Registers van de Hollandse grafelijkheid 1299-1345

Floris Berthout heer van Mechelen, Gerard heer van Voorne, burggraaf van Zeeland, Jan heer van Arkel en Rogier van Leefdaal, ridders, nemen de taak op zich een zoen te bewerkstelligen in de oorlog om Heusden tussen enerzijds hertog (Jan III) van Brabant en diens helpers en anderzijds graaf (Willem III) en diens helpers, alsmede in de twist tussen enerzijds graaf Willem III en de inwoners van Broek en anderzijds Jan van Heusden en Jan van den Elshout, en voorts in de twist tussen enerzijds heer Jan van der Dussen, ridder, Jan van Drongelen, Jan van Wissel, Hendrik Marienz. en Tielman de Molenaar en anderzijds Jan van Heusden en Jan van den Elshout, en beloven daartoe in Hoogstraten in leisting te gaan totdat die verzoeningen bereikt zijn of totdat zij vieren samen met de hertog en de graaf besluiten dat zij mogen vertrekken; voorts zeggen zij toe om bij onenigheid onder hen vieren een vijfde scheidsman aan te stellen, die de doorslaggevende stem zal hebben.

Vgl. nrs. BR 11 en 12 alsmede nrs. BR 15-17.

De onderstaande tekst is gebaseerd op afschrift B.

Wi Florens Bartoud here van Machlen, Gherard^b here van ^c Voirne, borchgrave van Zeeland^d, Jan here van Ercle^e ende Rotgier van Levedale, riddere, maken cond allen luden dat wi aneghenomen hebben te soenen allen tuyste, broke ende eyske die edele lude ende moghende, onse lieve here alse die herthoghe van Lothringhe^f, van^g Brabant ende van Limborch^h ende sine helpere eyskende sijn den grave van Heynnegouwenⁱ, van Holland^j, van Zeeland^k ende van Vriesland ende sinen helperen, ende die grave van Heynnegouwen  voirs. ende sine helpere weder eyskende sijn den hertoghe van Brabant voirs. ende sinen helperen, van der oirloghe van Hoesden ende dat dair of roerde ende ghesciet ^l tote op den dach van huden, ende van^m allen tuyste, broke ende eyske die die grave van Heynnegouwen voirs. ende sine helpere ende die van den Broekeⁿ eyskende sijn Jan van Hoysdenne, Jan van Elshoute ende horen helpere, ende si hem weder, ende van allen tuyste, broke ende eyske die hair Jan van der Dussen, ridder, Jan van Dronghele, Jan van Wiscle, Heynric^o Marien sone, Tielman die Moelnaer ende hoir helpere eyskende sijn Janne van Hoysdenne^p, Janne van den Elshoute ende horen helperen voirs., ende si hem weder, in deser manieren dat wi nu op sinte Andries dach^q naist comende in comen zullen tote Hoghestrate^r, ende niet van danne^s sceyden wi en hebben alle viere voirs. ghemeenlike over een ghedraghen ende met ghemenen acoirde onse segghen ende die soene tusken onsen lieven heren den partien voirs., in alle diere manieren dat die brieve spreken die onse heren voirs. die hertoghe ende die grave mallijc anderen dair of over ghegheven hebben, het en ware bi onser viere consente ende bi concente onser heren beyde voirs. Ende ware dat zake dat wi alle viere niet over een en droghen ende in enighen ponte discordeerden, so souden^t wi bi ons zelven ende met ghemeennen acoirde enen over man nemen die ons alle vieren ghenoechde; ende met wilc horen twien van ons vieren segghers voirs. die over man over een mede droghe alse van den ponte dair wi omme discordeerden, dat soude ghestade bliven ende dat souden onse heren beyde ende die partien voirs. houden. Waer oec dat sake dat onser enich storve jof kenlike noet sake hadde, so souden onse heren voirs. enen anderen in die stede setten^u in allen manieren alse hoir^v brieven spreken voirnoemd; ende alle stucken voirscreven sonder arghenlist.

Ende omme dat wi ons hier in verbonden hebben, so hebben wi desen brief open bezeghelt met onsen zeghelen. Ghegheven tote Machlen des dinxendaghes voir sinte Lucas dach ewangelisten int jaer ons Heren M CCC een ende twintich.