Registers van de Hollandse grafelijkheid 1299-1345

Graaf Willem III machtigt heer Gerard heer van Voorne, burggraaf van Zeeland, en heer Jan heer van Arkel, namens hem scheidslieden in zijn twist met de hertog van Brabant over het land van Heusden, om de afgesproken dag en plaats van overleg (met de twee Brabantse scheidslieden) te verzetten, en wel zo dat zijn vrienden en Raad aldaar aanwezig kunnen zijn.

Vgl. nrs. BR 13, 15 en 16.

De onderstaande tekst is gebaseerd op afschrift B.

Wi Willaem^d grave^e van Heynnegouwen^f etc. maken cond allen luden. Want wi van allen tuyste ende zaken die gheroert sien tuschen onsen neve den hertoghe van^g Brabant ende ons alse van ^h den lande van Hoysden ghebleven sien in edelen luden heren Florens Bartoud here van Machlen ende heren Rotgiereⁱ van Levedale, van ons neven weghen voirs., ende heren Gherarde^j here van Voirne, borchgrave van Zeeland^k, ende here Jan here van Ercle^l, onsen neve, van onsen weghen, also^m alse die brieve dair of houden dierⁿ wier op beyden siden op ghegheven ende bezeghelt hebben, so gheven wi macht onsen keersluden voirs. est dat hem oirbaer denct desen dach die nu tote Hoestraten^o van den voirseyden saken was ghezet te verlegghen, ende die stede te verlegghen dair hem oirbaer zal^p denken ende onse vriende ende onse Raet toe comen moghen; ende wat si hier toe doen op dese tijd, dat houden wi vaste ende ghestade^q ghelike jof wijt zelve ghedaen hadden.

In oirkonde etc. Ghegheven des vridaghes voir sente Nyclays^r dach int jaer ons Heren dusent drie hondert een ende twintich.