Registers van de Hollandse grafelijkheid 1299-1345

Graaf Willem III beleent heer Rogier van Leefdaal, ridder, met 100 pond Tournois jaarlijks uit de tol van Niemandsvriend, welke jaarrente hij en zijn zoon Willem zullen mogen lossen naar rato van 10 pond voor 1 pond jaarlijks, voor welke afkoopsom heer Rogier dan een andere jaarrente van 100 pond zal kopen en die van de graaf in leen zal houden; voorts schenkt hij hem voor de duur van diens leven het ridderlivrei.

De onderstaande tekst is gebaseerd op afschrift B.

Wi Willaem^a grave^b van Heynnegouwen^c, van Holland^d etc. maken cond allen luden dat wi omme trouwen dienst die ^e ons hair Rogier^f van Levedale, onse trouwe ridder, ghedaen hevet ende noch doen sal, hem ghegheven hebben ende gheven mit desen brieve hondert pond Tornoyse^g sjaers, den groeten over sestien penning gherekent, van ons ende van Willaem^h onsen sone in rechten leene te houden, die wilke wi hem bewisen jaerlix op te heffen ende tontfanghen uyt onser tolne te Niemansvriend tote elker Bamisseⁱ, toter tijd toe dat wise hem elwair in sekeren steden bewijst hebben; ende ombieden onsen rentemeyster van Zuytholland^j die nu es jof haer na wesen sal dat hise hem jaerlix ten daghe voirs. van^k onser tolne voirs. uyt rekene ende betaile van onsen weghen, sonder ander ghebot van ons te hebbene, toter tijd toe dat wise hem elwair bewijst hebben alse voirscreven es. Ende wair dat sake dat wij of Willaem^l onse sone die hondert pond Tornoyse^m sjaers lossen ende vrien wilden, dat souden wi doen moghen elc pond sjaers om tien pond; ende dair bi soude hair Rogier voirseyd mitten ghelde dat hi van dier lossinghe ontfenghe coipen hondert pond Tornoyse sjaers, die hi in sekeren steden bewisen soude ende van ons ende van Willaemⁿ onsen sone voirs. in rechten lene houden, alst voirscreven es. Voird hebben wi hem ghegheven onse ridder cleder tsinen live, alse zo dat wanneer wi^o onsen ridderen clederen leveren zullen, dat wise hem mede sullen doen leveren ghelike onsen anderen ridders.

In orkonde desen brieve^p etc. Ghegheven tote Valenchijn op sente Symon ende Juden dach int jaer ons Heren M CCC^o twee ende twintich.