Registers van de Hollandse grafelijkheid 1299-1345

Floris Berthout, heer van Mechelen, verklaart dat graaf Willem III hem via tussenpersonen 28.000 pond Tournois heeft betaald, waarmee de koopsom voor de stad Mechelen met toebehoren, inclusief een jaarrente over twee jaar, alsmede eventuele andere schulden geheel zijn voldaan.

Wi Florens Baertout^a, here van Machlen, maken cond ende kenlic allen den ghenen etc. dat onse lieve here hair Willaem^b, grave van Heynnegouwen^c, alse van den cope van der stede van Machlen ende van dat dait toe behoirt dat hi^d teyghens ons cofte, alse die brieve houden diere of ghemact sien, ende van der jaer renten die hi ons bewijst soude hebben, diere mede op gherekent was van twe jaren, ons hevet betailt ende voldaen bi alrande luden die ons tgheld hebben ghelevert van sinen weghen op goede rekeninghe, toten summe van acht ende ende twintich dusent pond Tournoyse^e, ^f den groeten Tornoyse^g gherekent over sestien penninghe; van der wilker summe voirscreven ende van alre ander scoud die ons onse here die grave voirs. sculdich mochte wesen tote desen daghe toe, so wair of dat ware, wi houden ons wel ghepayt ende scelden hem ende sine nacomelinghe dair of quite mit desen brieve beseghelt mit onsen seghele.

Ghegheven te Machlen des sonnendaghes na sente Barnabas dach int jaer ons Heren M CCC drie ende twintich.