Registers van de Hollandse grafelijkheid 1299-1345

Graaf Willem III belooft heer Arnoud de Kleine, ridder, meier van Aken, in mei eerstkomend 3000 pond Tournois te betalen in mindering van de schuld die hij heeft bij zijn schoonzoon heer Willem van Gulik, waarbij hij heer Willem en een aantal met name genoemde edelen gebiedt zich voor hem borg te stellen, met de belofte hen schadeloos te zullen houden; degenen van hen die zich borg willen stellen zegelen de oorkonde mee.

Vgl. nrs. DE 20 en 21, waarbij de Akense meier 'Cleinarnold' eveneens betrokken is.

Wi Willaem^a grave^b van Heynnegouwen^c etc. maken cond etc. dat wi gheloven heren Arnoude den Cleyne, meyer van Aken, ridder, voir heren Willaem van Ghulike^d, onsen sone, in minderinghe van der scout die wi heren Willaem^e voirs. sculdich sien drie dusent pond Tornoyse^f, den groeten coninx Tornoyse^g voir sestien penning gherekent, te betailen binnen meye naist comende; ende omme die merer sekerhede so hebben wi gheboden edelen luden heren Willaem^h van Ghulike voirs., heren Godevairtⁱ van Ghulike, heren Philips den here van Wildenberch, heren Arnoude van Bolland, heren Robode van Roden, heren Gherarde^j van Pottes^k, heren Arnoude van Ghimmenich, heren Janne Maeskeriele, heren Raes Maeskeriele, heren Gherard^l van Ondelsdorpe, heren Rutgheer^m van Gheylekerkeⁿ, heren Godevairt Scellaert^o van den Boemgharde^p, heren Willaem Roest, heren Gherard^q van Stomle, heren Warnaer van Gustin, heren Reynair^r van Endelstdorp^s, ridderen, Harpard^t Muyl ende Willaem die camerlinc, dat si dese scout mit ons loven alse borghen te betailen ten termine voirs., jof dat si ende wi zullen toit heren Arnouds maninghen des meyers voirscreven jof siere erfnamen incomen tot Aken in ene herberghe dair hise wisen sal, ende niet van dane te sceyden noch der^u borghen en gheen quite eer wi hem voldaen hebben. Ende wi Willaem van Ghulike, Godevairt van Ghulike ende anders die borghen voirscreven verbinden ons alse borghe voir dese III^M. lb. zuarte voirscreven in allen vorwairde alse si voirscreven sien; ende wair dat sake dat onser enich ware die gheen borghe worden en mochte, so verbinden wi ons die ghene die onse seghele dair an hanghen voir die somme van den ghelde voirscreven. Ende wi Willaem grave^v etc. gheloven onse borghe voirscreven hier of scadeloes te houden.

In orkonde etc. Ghegheven in Middelburch^w des donresdaghes na sente Victoirs^x dach int jaer ons Heren M CCC° drie ende twintich.