Registers van de Hollandse grafelijkheid 1299-1345

Graaf Jan II beleent Gillis heer van Berlaimont met een aantal nader omschreven goederen, rechten en inkomsten; tevens regelt hij de vererving van dit leen.

De plaats van uitvaardiging zal vermoedelijk het huidige Braine-le-Comte in Henegouwen betreffen, maar iets oostelijker, in Brabant, bevinden zich ook de plaatsen Braine-le-Château en Braine-l'Alleud.

Onderstaande tekst is uitgegeven naar A. Hetgeen daar onleesbaar is geworden vanwege de slechte staat van het papier, is tussen rechte haken aangevuld naar het (nogal corrupte) afschrift B.

^c Nous Jehans^d cuens de Haynnau^e et de Hollande^f faizons savoir a tous ke nous donons^g et avons donet a no chier foiaule G[illion^h signeur de] Berlainmontⁱ et a ses hoirs iretaulement et perpetuelment^j a tousjours^k pour le boin service kil nous a fait, a tenir en fi[ef^l et en hom]maige de nous et de nos hoirs contes de Haynnau teles terres, teles rentes et teles debites ki chi apres sont nom[mees.] Cest a savoir sour les arrentis con apiele les mares dOstrevant^m CC XVII lb. V s. IIII d. Parisisⁿ de rente par an en [pluyseurs] lius et sour pluiseurs pieces de terre, de coi nous li avons doné les parties et les pieces de terre en I escrit sai[elet de no] saiel, cest a savoir sour les arrentis des mares de Bouchaing^o LXIX lb. XV s. VII d. Parisis; ^p item sour les [ar]entis des mares de Masteng XXXIX lb. II s. IIII d. Parisis; item sor^q les arrentis des^r mares de Ruet XIIII lb. V[II s.] Parisis; item sour les arrentuils des mares de Staillon^s LX lb. XIX s. VI d. Parisis; item sour les arrentuis des mares de B[rec]hicort^t XXVIII lb. XII s. VII d. Parisis; item sour les arrentuils des mares dAnich LXXIII s. III d. Parisis; et toutes les pieces de terre [sour] coi ces devant dites rentes sont assises nous donons et avons donet au devant dit signeur de Berlainmont^u et a ses[hor en^v le m]aniere devant dite, tout ce ke nous i^w avons et avoir i poons, en quelconkes maniere ke ce soit, en toutes sign[eri]es et en toutes joustices hautes et basses, toutes entrees et toutes issues, tous reques et toutes fou[rmoir]tures, et en toutes autre[s de]bites, queles ke eles soient, ne comment ke on les puist nommer. Encor donons nous [et av]ons donet au devant dit s[igneur] de Berlainmont^x et a ses hoirs heritaulement et perpetuelment en fief et en homaige a tenir de nous [et] de nos hoirs contes de Haynnau en toutes signeries et en toutes justices hautes et basses en^y le terre de Saint^z Save, ke no[u]s aquesivies a Gilion de Perfontaines^a', XIIII muis, une witelee et XXIII vierges de terre a Hanaules, et a le terre d[e] Saint^b' Save^c' a les^d' Remi VII lb. XVII s. et^e' VII d. Tournois^f' par an; et de ces terres li avons nous donet les parties en I [e]scrit saielet de no saiel. Encor donons nous et avons donet au devant dit signeur de Berlainmont^g' et a ses hoirs yretaulement et perpet[uel]ment a tenir de nous et de nos hoirs contes de Haynnau^h' en vief et en hommaige toute le terre de Puich^i', visnaige et des pertenances quankes en toutes segneries et en toutes justices hau[te]s et basses, et en toutes autres debit[es], queles ke eles soient, ne comment ke on les puist nommer. Encor donons nous et avons donet au devant dit signeur de Berlainmont^j' et a ses hoirs [ire]taulement et perpetuelment a tenir de nous et de nos hoirs contes de Haynnau^k' en fief et en ho[m]aige IIII^XX lib. en Tournois^l' de rente^m' par an dedens no ville de Valenciennes^n' en pluiseurs lius, dont nous li avons donet les parties en I escrit s[a]ielet^o' de no saiel. Et tous ces heritaiges deseur dis nous donnons et avons donet en I seul fief au deva[n]t dit signeur de Berlain[m]ont^p', en tel maniere ke sil a hoir de Marie de Pinnon, dame de Berlainmont^q', se [femme, t]ous l[es]^r' heri[tai]ges devant nommés doit de[m]orer apres leur deces as hoirs ki diaus d[eu]s ist[er]oient, [et li dite Marie en] doit tenir tous les pourfis tout le cours de se vie, soit kele ait hoir dou dit signeur de Berl[a]in[mont^s' ou non; et apres le] deces de^t' le dite Marie, sele na hoir dou dit signeur de Berlainmont^u', [to]us li ^v' devantdis heri[t]ai[ges entirement] doit revenir a Fastret, fil au signeur de Berlainmont^w' devant nommet, pour lui et pour ses hoirs a te[nir en fief et e]n homaige de nous et de nos hoirs contes ^x' de Haynnau. Et est asavoir ke se li dis sires de [Berlainmont^y' navoit hoir] de le dame de Berlainmont^z' devant nommee, faire poroit de tout cest heritaige devant dit [tant com il vivro]it se volenté et mettre en autrui main, sans service paier a nous ne a nos hoirs. Et^a'' est a savoir [ke li dite dame de] Berlainmont^b'' en doit tenir tous les pourfis tout le cours de se vie, soit ke elle ait hoir dou [dit signeur de Berlainm]ont^c'' u non. Et est asavoir ke li dis sires de Berlainmont^d'' u si hoir u li dite dame de Berlainmont^e'', ki cest fies tenroiet, puent prendre, rechevoir et cachier par iauls u par leur sergans toutes les devant dites revenues [et tous les pourfis et] les debites des devant dis heritaiges, tout en au tel point ke nous faisiens par [nou]s u par nos [sergans quant n]o[us] le teniens en no main; et sil ne le pooient avoir et il u^f'' leur sergant en traioient a nous, [nous leur^g'' feriens] avoir par nous u par nos sergans a leur reqeste de tous chyaus ki en seroient en defaute, ki [seroient demoran]t en no contei de Haynnau^h'' si avant. Com il laroient vaillant et de tout cest heritaige devant [dit a h]eritei bien et a loy le devant dit signeur de Berlainmont^i'', et len avons rechuit a homme en le presence [de nous hommes d]e fief, ki pour ce i furent especialment apielet, cest assavoir le signeur dEnghien, monsieur Mikiel de [Harnes, monsieur Je]han^j'' de Barbencon^k'', monsieur Baudouin^l'' de Bousies, monsieur Mahiu^m'' de le Val, monsieur Gillion de Ruesne [et monsieur N. de H]ousdeng^n'', chevaliers, ^o'' maistre B. dou Caisnoit, doien de Songnies^p'', et maistre Jakes^q'' de Loherenen^r''. [Est asavoi]r ke nous avons enconvent a warandir et a faire paisivles toutes les cozes deseur [dites au deva]nt dit signeur de Berlainmont^s'' et a ses hoirs et a le dite dame de Barlainmont^t'' encontre ^u'' tous de [tou]t^v'' [qui pour nous] u pour no ocoison moveroit, et a tout ce fermement tenir obligons nous et avons [ob]li[giet nous, nos] hoirs et nos successeurs, tous nos biens et tous les biens de nos hoirs meubles^w'' et non [meubles^x'', presens et] avenir, partout u ke nous les aions et arons, pour acomplir toutes^y'' les cozes deseur [dites.]

Et tiesmoingnaige de la qu[el] coze nous en avons donet au devant dit signeur de Berlainmont^z'' ces presentes lettres saielees d[e no] saiel. Ki furent faites et donees a Brainne en lan de grasce M et CCC en mois de jule.