Registers van de Hollandse grafelijkheid 1299-1345

Jan van Valkenburg, heer van Born en van Herpen, en Arnoud heer van Stein, ridders, verklaren dat heer Gozewijn van Neidhausen, ridder, in het vrije bezit is van de in hun gerechten gelegen gronden die hij aan graaf Willem III heeft opgedragen, van welke gronden zij de waarde en opbrengst omschrijven; de oorkonde wordt meebezegeld door heer Gozewijn.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nrs. DE 35 en GE 33.

Enen hoghen^b prinche ende enen moghenden, onsen liven here heren Willame^c grave van Heynnegouwen^d etc., maken u kont Jan van Valkenborgh, here van Bornen ende van Harpen, ende Arnout here van Steyne, ridderen, ende doen u te weten over waer dat her Goswijn van Nijthusen, ridder, legghende hevet in vrien erve tote Armond in onsen gherechte van Bernen^e jeghens^f LV boenre lands luttel min jof meer, daer elc boenre weerdich es te coepen jeghens^g twintich sollidos^h grote, de sijn vri eyghijn sijn ende van ghenen here noch van niement beslet ende daer niement op te segghen heeft, ende die hi u vriliken up draghet; ende des ghelike heeft hi legghende te Steyne XII boenre lands in onsen gherechte dies heren van Steyne in vrien erve, daer elc boenre ofⁱ waerd es in coepe jeghens XX sollidos^j grote, die sijn vri eyghijn sijn ende ombeslet sijn van enighen here jof van ieman ende daer niemen toe te segghen en heeft. Ende dit land ghelt jaerlix^k te renten XIIII mudde rogghen ende vijftien groten Tornoyse^l sjaers ende XVI cormede.

Ende want hi u al dit voers. land vriliken up ghedraghen heeft in alle dien rechte dat hiet houd voer ons ende voer die scepene daer tland leghet, in alre manieren alst land recht ghedraghet ten steden daer tland gheleghen es, so hebben wi desen brief mit heren Goswijns voers. open bezeghelt met onsen zeghelen. Ghegheven te Borne des sonnendaghes na Dertijndach int jaer ons Heren M^o CCC^o XXXVI^o.