Registers van de Hollandse grafelijkheid 1299-1345

Graaf Willem III belooft een aantal met name genoemde personen dat wanneer de schepen die zij hebben verhuurd aan de lieden van de heer van Mortimer verloren zouden gaan of door de Engelsen in beslag zouden worden genomen, hij hun die schepen zal vergoeden naar elks getaxeerde waarde, tenzij de schepen verloren zouden gaan door de weersomstandigheden, de ondeugdelijkheid van de tuigage of de onkunde van de scheepslieden.

Nrs. DE 87-99 betreffen alle oorkonden van borgstelling door de graaf voor schepen die van Zeeuwen waren gehuurd ten behoeve van de overtocht van de opstandeling Roger Mortimer en diens leger naar Engeland; zie ook nr. DE 100, alsmede nrs. PC 2, 18 en 19.

Wi Willaem grave van Heynnegouwen^b etc. maken cont etc. dat wi gheloven dien ghenen die hier na ghescreven staen, waer dat zake dat hoire scepe die zi dies heren luden van Mortemeer verhuert hebben verloren woirden bi dien here van Mortemeer jof bi zine luden, jof dat si hem^c die van Engheland namen in des sheren reyse van Mortemeer teser tijd, zo zouden wi elken man zijn zcip ghelden also groet alse si gheprijst waren ende hier na ghescreven staet: in dien eersten Heyne Bot scip dat Pelegrijn hiet IX pont groete, item Heyne Bot scip dat Jonnette^d hiet IIII½ pont grote, item Alebaerns scip VII½ pont grote, item Andries van Mallant scip VII½ pont grote, item Dideric Harinc^e Harst scip VI lb. grote, item Heyne Doedijns soens scip X lb. grote, ^f item Pieter Bloc scip VI lb. grote, item Jacob van Zuindrecht^g scip VII lb. grote, Bette Stuuc scip V lb. grote, Coppaird heren Wouters sone sijn scip VII½ lb. grote, item Diddekijn Michiels sone sijn scip X lb. grote, Lems scip van der Sluus XX lb. grote; mar worden dese voirscreven scepe verloren bi winde jof bi weder, bi zee jof bi zande jof bi faute van ghewande jof bi ombehendighen scipluden jof bi der sciplude versumenesse, soe en souden wise niet ghelden. Ende alle stucken voirscreven sonder arghen list.

In orconde desen brieve bezeghelt met onsen zeghele. Ghegheven tote Dordrecht^h des vridaghes na onser Vrouwen dach in septembre int jair ons Heren M° CCC° ses ende twintich.