C
Graaf Willem III belast de dijkgraaf van (West-)Friesland met het dijkonderhoud in de landen van eigenaars van buiten die daartoe zelf niet bereid zijn, en tot invordering van de kosten bij dezen; hij gebiedt de baljuwen, schouten en rechters van Noordholland, Kennemerland, (West-)Friesland, Waterland en Amstelland de dijkgraaf of diens gezworenen bij de inning daarvan behulpzaam te zijn.
De eodem.
In de marge een onduidelijk teken.
Noch van tselve.
Zie ook het in het register voorafgaande nr. FR 20.
De onderstaande tekst is gebaseerd op afschrift B.
Wi Willaema graveb van Henegouwenc, van Hollandd etc. allen onsen baeliuwen, scouten ende rechteren van onsen lande van Noirthollande, van Kenemaerlandf, van Vrieslandg, van Waterland ende van onsen lande van Aemstelle, saluit met goeder jonsten. Wi doen u te wetene dat vele lants leghet in Vriesland dat niemant en dijct, ende dat toe behoirt luden uyt onsen landen voerscreven die binnen Vriesland niet en wonen ende dijs niet diken en willen omme dat si binnen Vrieslant en ghien tilbaer goet te panden en hebben, daer onse land voers. seer mede ghevreest es; waer omme wi bevolen hebben onsen dijcgrave van Vriesland dat hi bi sine ghesuoren dien dijc voerscreven van onsen weghen ende met onsen ghelde maken doe h ende dat weder inne bi sine ghesuoren van onsen weghen alse recht es, ende onbieden u allen ende elken besonder dat ghi onsen dijcgrave die nu es jof hier namaels wesen sal in pand van onsen weghen alsulc ghelt als hi betoghen mach bi den ghesuoren voers., dat hi jof die dijcgrave die voer hem gheweest hebben gheleyt hebben in der gheenrei dike dien hiet eyschende es; ende so wij hem dat ghelt niet inpandek jof hem daer in hinderde, dat soude wi suarlike op hem verhalenl, alse op den ghenen die onse heerlichede cranken wilde.
Ghegheven tote Aelbrechtsm berghe des manendaghes na sinte Lucas dach int jaer ons Heren M CCC een ende twintich.
Per predictos.n