Registers van de Hollandse grafelijkheid 1299-1345

Graaf Willem III geeft aan alle ingezetenen van Brugge vrijgeleide voor hen zelf en hun goederen in al zijn landen tot 7 april 1325, vanwege de schulden van de stad, en beveelt al zijn ambtsdragers dat vrijgeleide te handhaven.

Vgl. het voorafgaande nr. HE 40, alsmede nrs. HE 50 en 57.

Guillaumes^a cuens de Haynau^{b c} etc. faisons savoir a tous que nous avons donneit et donnons boin respit et sauf conduit alant, venant et demorant en toutes nous tieres et nos^d paijs, par yawe^e et par tiere, a tous cheaus de le ville de Bruges, pour le propre^f dette^g dou cors de toute le devant dite ville, dou jour de le datte^h de ces presentes lettres jusques au jour de Pasques prochainement venantⁱ, sans nul malenghien; si mandons et commandons a tous nos ballius, prouvos, castellains, serjans et autres justiches^j, quelque il soient, que il toutes les persones de le devant dite ville de Bruges et tous leur biens, quelque^k il soient, laissent paiseir^l paisivlement et sans empeechement parmi toutes nos jurisdictions, pour les dettes que toute le dite ville de Bruges doit, ensi ke dit^m est, dusques a devant dit jour de Paskes.

Par le teismong de ces lettres seellees de no seel. Donneet en lan de grasce mil trois cens vint et quatre, le lundy devant le jour de sent Mark ewangelist.