Registers van de Hollandse grafelijkheid 1299-1345

Filips Vilain verklaart dat hij van graaf Willem III uit handen van de abt van Ter Doest en van Gerard Heinenz. knaap van meester Jan van Florence, in totaal 666 pond 13 schelling 4 penning kleinen Tournois heeft ontvangen, zijnde de tweede afbetaling van de 2000 pond kleinen Tournois die de graaf in een oorkonde had beloofd te betalen aan hem en zijn broers in de zoen vanwege de dood van zijn broer Jan Vilain, ridder.

Vgl. nrs. HE 45, 47 en 51.

Je Phillippe^a Valain^b fais savoir a tous ke je ay eut et rechiut en boins deniers comptans de tres haut, tres noble et tres poissant prinche, mon treschier et amé seingneur monsieur Guillames^c conte de Heynaut, de Hollande, de Zeelande et seingneur de Frise^d, par les mains labbé de Does trois cent trente trois livres, sijs sols et^e wijt deniers de petit Tournois^f, le gros Tournois pour seese deniers, item par les mains Gheraerd^g Heynen zone, vallet meistre Jehan de Florence, trois cent trente trois livres, sijs sols et^h wijt deniers del moinoie dessus dite, somme deⁱ tout sijs cent sissante sijs livres, treese sols et^j quatre deniers, pour le second paiement dont li jour eskei le samedi apres le jour de^k saint Urbain le pape darrainement passei^l, en rebat de deus mille^m livres de petit Tournois les quels mes sires li contesⁿ dessus dit avoit promis a mi et a mes freres a paier a trois paiemens, ensi comme il est contenu en ses lettres ouvertes de le appaisement de la mort de monsieur^o Jehan^p Vilain^q, chevalier, mon frere, dont Diex ait larme^r. Des quels sijs cent sijssante sijs livres, treese sols et^s quatre deniers^t de petit Tournois devant dites je me^u tiens asols et bien appaiet dou second paiement pour mi, pour mes freres et pour les miens, et ^v en claime quite mon treschier et amé seingneur monsieur le conte^w dessus dit et ses hoirs pour mi et pour^x mes freres et pour^y les miens; et a che atenir^z bien et^a' fermement a je obligiet et oblige moi, mes freres et les miens et toutes^b' mes biens, moebles et nient^c' moebles, presens et avenir, ou ke il soient, pour aquiter le devant dit monsieur et ses hoirs dou second paiement dessus dit.

Par le tiesmoing^d' de ses lettres seelleez de mon zeel pendant. Faites et donnees en la ville dAnwers^e' en Brebant^f' en lan de grasce M^o CCC^o vint et quatre, le samedi dessus dit.