Registers van de Hollandse grafelijkheid 1299-1345

Graaf Willem III benoemt Simon Moyke tot schout in Alkmaar, onder de bepaling dat deze de voorgaande schout, diens broer Nicolaas van Uitgeest, 12 pond Hollands jaarlijks zal betalen; tevens bepaalt de graaf hoe te handelen bij overlijden van een van de partijen.

Vgl. de voorafgaande oorkonde nr. KE 123 in het register.

Wi Willaem^a grave van Heynnegouwen^b, van Holland^c etc. maken cond etc. Want Clays^d van Uytgheest, die onse scoutambochte van Alkemair^e van ons te liene held, ons op ghedraghen heeft dat scoutambocht voirs. ende quite ghescouden, soe hebben wi bevolen^f ende bevelen med desen brieve Symon Moyken, synen broeder, onse scoutambochte van Alkemair^g voirs. alze langhe als hi leeft te bedriven ende te verwaren tonser eeren ende tonser oirbaren ende onser poirte voirs., ten ware dat hi sulke breke dede daer hiet^h mede voirboirde jeghens ons; ende hier bi sal hi ons ontheffen van twaelf pond Hollandsⁱ sjaers, die wi Clayse^j voirs. hebben ghegheven toit sinen live. Ende wair dat Symon voirs. eer sturve eer Clays^k voirscreve, soe souden wi dair enen scoute setten dien wi wilden, ende wi souden Clayse^l doen gheven sine twaelf pond sjaers alse voirscreven es. Wair oec dat sake dat Clays^m voren storve, soe soude Symon voirs. gheven Claysⁿ wive tot hore lijftocht zes pond Hollands^o sjaers alse langhe als hi^p levede; sturve Symon eer si, soe soude wiet hoir selve doen gheven alse langhe als si levede. Ende onbieden allen onsen luden van onser poirte voirs. dat si Symon voirs. onderdanich, ghehoirich ende ghehulpich^q sien, soe wair hies te done heeft van onsen weghen ende sijes van hem vermaend woirden, ende des niene^r laten alze lief als si ons hebben.

Ghegheven in die Haghe des dinxendaghes voir Pinxter int jair ons Heren M^o CCC^o XXVIII.