Registers van de Hollandse grafelijkheid 1299-1345

Graaf Willem III geeft Jan van Rietwijk, zoon van Willem van Velsen, die hem 1½ hoeve land in vrij eigendom in het ambacht Heemskerk heeft opgedragen, toestemming om de helft van diens grafelijk leengoed te Heemskerk in vrij eigendom te verkopen aan Bartoud van Assendelft.

Vgl. de volgende oorkonde nr. KE 126 in het register.

Wi Willaem^b grave van Heynnegouwen^c etc. maken cond etc. Want Jan van Riedwijc Willaems^d sone van Velsen^e ons opghedraghen hevet toit ene vrien eyghen ander halve hoeve lands die Gheraerds^f Clays^g sones gheweest hadden^h, legghende int ambocht van Eemskerke binnen desen marken: Jans land voirs. ane die west side ende Hughe Baken soens land ane die oestzide, ⁱ soe hebben wi Janne voirs. oirlof ghegheven dat hi die helfte van al der huzinghe ende werve dair die husinghe op staet binnen der uterster grafte metter helfte van der lane uytgaende alze groet als ter woninghe behoird, legghende tote Eemskerke, ende hi van ons te liene helt, vercoft heeft ten vrien eyghen Bairtoude^j van Aspendelf; wilc huys, werf ende lane alse voirscreven is wi gheloven Bairtoude^k voirs. te waren alsmen een vry eyghen sculdich es te waren.

In oirkonde desen brief bezegheld med onsen zeghele. Ghegheven in die Haghe des dinxendaghes voir Pinxter int jair ons Heren M^o CCC XXVIII.