Registers van de Hollandse grafelijkheid 1299-1345

Graaf Willem III bevestigt de belofte van vrouw Elizabeth, vrouwe van Zandhorst, weduwe van heer Filips van Zandhorst, gedaan met haar vrienden, kinderen en verwanten, om degenen te vrijwaren die zich borg hebben gesteld voor de huwelijksgave voor haar zoon Filips van Zandhorst en diens echtgenote Kerstine, dochter van Willem vrouw Baartenz.; de vrouwe van Zandhorst bezegelt de oorkonde mee.

Vgl. nr. NH 3.

De onderstaande tekst is gebaseerd op afschrift B.

Willaem^a grave van Henegouwen^b ende^c van Holland^d etc. maken cond allen luden dat voer ons quam verLizebette^e vrouwe van Zanturst, ^f heren Philips^g wijf van Zanthurst^h was, daer God die ziele of hebben moet, bi haren vrien wille ende met haren ghemenen vrienden ende al hore kindere Philipsⁱ, Heynric, Dieric, Symon ende Clemense^j, met haren vieren verendelen ende met haren ghemenen maghen, ende loveden met samender hant van allen dien voerwaerden allen dien borghen scadeloes te houden alse van dien houwelic dat ghemaket es tuschen Philipse^k van Zanthurst ende Kerstine Willaems dochtere verBarten^l sone op hore alre goed, ist eyghen, ist leen, est lijftocht, so waer dat het gheleghen ^m, ende op alle hore goed dat haer enich op comen mach; ende omme dat wi Philipsⁿ, Heynric, Dieric, Symon ende Clemense voernoemd onmondighe kindere sijn ende het omme onse orbaer ghedaen es, so bidden wi met onsen viere verendelen ende met onsen besten maghen onsen lieven heren den grave van Henegouwen^o ende van Holland^p jof onser enich es van ons viven^q die dese voerwaerden niet houden en wouden, dat hi danne di doet houden, ende sinen zeghel hier^r an hanghe omme die langher denkenesse.

Ende wi Willaem^s grave van Henegouwen^t, van Holland^u etc. omme bede deser kinder ende liefhede, want sijt selve begheren, ende met horen besten maghen, so hebben wi hem dese gratie daer toe ghedaen: alse waer dat zake jof Philips^v, Henric^w, Dieric, Symon ende Clemense enighe storve van hem viven ende goed lovede dat op ons comen mochte, dat souden alle dese voerghenoemde borghen, die borghen sijn van desen huwelike, an tasten ende op boren toter wilen toe dat si ghelossent waren van der borchtocht alst voerscreven es; ende hebben hem desen brief bezeghelt met onsen zeghele. Ende ic Lizebet, vrouwe van Zanthurst, want ic alle dese voerwaerden mi belie ende mede doen wille, so hebbe ic desen brief mede bezeghelt met minen zeghele met minen lieven here den grave voerghenoemd.

Ghegheven in die Haghe des ander daghes na Kers daghe int jaer ons Heren M CCC ende zestiene.