Registers van de Hollandse grafelijkheid 1299-1345

Willem van Brawode geheten van Engeland, klerk, schenkt 4 morgen land aan abdis en convent van Loosduinen ter viering van het jaargetijde van wijlen Elizabeth, eertijds dochter van de koning van Engeland en gravin van Holland; de oorkonde wordt meebezegeld door graaf Willem III en door schout, schepenen, gerecht en gemeente van Den Haag.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Universis presentes litteras inspecturis Willelmus^a de Brawonde clericus, dictus de Anglia^b, salutem^c et veritatem noscere subscriptorem. Quum labilis humane stilla memorie plurumque tam rerum^d varietate^e quam decurrentium diurnitate temporum multas oblivionis evanessit in tenebras, presentium geste scripture patrocinio que preteritorum existit^f presentatrix eximia proinde consuevere muniri ad firmandam noticiam posterorum. Igitur ad perpetuam geste^g et scripture rei memoriam universis notum facio per presentes quod ego propter Deum et in puram elemosinam quatuor iugera terre iacentia in officio seu libertate domini de Haga^h, que fuerunt quondam Bartholomey de Hoeke, in quibus Leveldis dicti Bartholomeiⁱ filia, nunc uxor Theoderici de Houke^j, post mortem prefati sui^k patris hereditario iure successit, et que ego et^l dicto Theoderico serto^m, iusto et legitimo precio mediante emi, dicta Levelde uxore sua unanimiter et expresse concensienteⁿ et connendende^o, et in quorum possessionem liberam et proprietatem per iusticiam et iuris exigentiam adhusus^p et consuetudines dicti loci pacifice et incalumnianter intravi, donavi et dono abbatie, monasterio seu claustro de Loesdune, Cisterciencis^q ordinis, omne ius omnesque possessiones, libertatem et proprietatem quas in ipsis habeo et habere possum et debeo ex causis et titulo prelibatis, in dictum monasterium seu claustrum ex certe scientia revocabili transferendo ab eodem perpetuo possidenda ob salutem et remedium animarum preclare et precelse^r domine mee^s dilectissime, felicis recordationis domine Elizabet^t, illustrissimi quondam Anglorum regis filie et comitisse Hollandie defuncte, de precessorum et successorum suorum et pro eorum obitu semel in annis singulis octavo die intrantis maii in eodem claustro a conventu inperpetuum celebrando, abrenuncians solemniter, efficaciter et expresse omni viri^u, actioni, possessioni, proprietati et libertati pro me et pro meis heredibus ac successoribus aut a me causam habentibus, quas possem vel possent ex quacunque causa in predictis quatuor jugeribus reclamare.

In quorum omnium et singulorum testimonium sigillum meum, quo utor ad omnia, duxi presentibus apponendum. Quo circa supplico potentissimi principi, domino meo dilectissimo, domino Guilhelmo Haynnonie^v, Hollandie, Zelandie^w comiti dominoque Frisie, precor quoque^x venerabiles et honestos^y viros scultetum, scabinos, iusticiam et totam communitatem ville de Hagha, quatinus sigilla sua una cum meo presenti instrumento dignentur apponere in testimonium veritatis. Et nos Wilhelmus Haynnonie^z, Hollandie^a' Zelandieque comes et dominus Frisie, salvo nobis in omnibus premissis iure nostro, nos quoque scultetus, scabini, iustitia totaque communitas ville de Hagha predictis veritatis testimonium, et ut presens donatio rata, firma et inconvulsa permaneat, sigilla nostra propria ad ipsius donatoris preces et instantiam presentibus duximus apponenda. Datum Hagha anno Domini M^o CCC^o sextodecimo, dominica post octavam Epiphanie Domini.