Registers van de Hollandse grafelijkheid 1299-1345

Graaf Willem III geeft Jan uten Waarde toestemming om leengoed over te dragen aan Hendrik van den Veen, die daarvan de inkomsten zal trekken zolang Jan hem de gelden niet heeft betaald die hij hem schuldig is.

De onderstaande tekst is gebaseerd op afschrift B.

Willaem^a grave van Henegouwen^b etc. maken cond allen luden dat wi Jan uten Waerde gheorloft hebben ende^c gheorloven alsulc goed als hi van ons hout ende ons van hem an comen mach met allen rechte, dat hi dat op draghe ende sette in Heynrics hant van den Vene, die dat houden sal in sine handen ende ontfanghen die renten toter tijt dat Heynric voers. betalen sal sijns vader scout die hem Jan sculdich es te goeder rekeninghe, ende Heynric^d voer hem betaelt heeft ende noch betalen sal, ende van den coste dier op ghedaen is. Vord is onse wille dat so wat dat Heynric^e van den Vene ute legghen sal in Jans huus uten Waerde up te houdene van timmeringhen jof in anderen zaken tote^f Jans orbaer ter goeder rekeninghe, dat Heynric^g voernoemd dat goed houden sal in sine handen toter tijt toe dat hi al betaelt sal sijn ter goeder rekeninghe, sonder arghelist; ende hier toe doe wi onse consent ende onsen wille.

In orkonde etc. Ghegheven te Haerlem^h op sinte Victoersⁱ dach int jaer ons Heren M CCC ende zeventiene.