Registers van de Hollandse grafelijkheid 1299-1345

Jan de Keizer, rentmeester van Zeeland, verklaart van graaf Willem III toestemming te hebben gekregen om zijn huis te Schiedam genaam Frederiks huis, dat hij van de graaf in leen hield, met de poort van Schiedam te ruilen tegen het huis genaamd Wildenberg, waarbij de stad Frederiks huis in vrij eigendom ontvangt en hij Wildenberg van de graaf in leen zal houden.

Vgl. het in het register voorafgaande nr. NH 120.

De onderstaande tekst is gebaseerd op afschrift B.

Allen den ghene die desen brief zullen sien jof horen lesen, ic Jan die Keyser, rentemeyster van Zeland, saluyt ende kennesse der waerheyt. Ic make kont dat omme des wille dat mi mijn lieve ^a ende gherechte here mijn here Willaem grave van Henegouwen^b, van Holland^c etc. oirlof ghaf met sinen open brief te manghelen mijn stienhuys dat ic^d tote^e Sciedamme hadde, staende tyeghens over der Lomberder^f, dat men heyt Vrederix huys, dat ic van minen here den grave voernoemd plach te houden te lene, tyeghens der poirte van Sciedamme omme thuys datmen hiet Wildeberch, dat ghasthuys^g van Sciedamme^h plach te sine, wilc huys mijn here die grave der poirte van Sciedamme verliet hevet te vrien eyghen ende die manscap quite ghescouden, dat ic mijn huys van Wildenberch voers. mi ende mine nacomelinghe houden sullen te lene van minen here den grave ende sinen nacomelinghen, in alsulker manieren als ic Vrederix huys voers. plach van hem te houden, sonder arghenlist.

In orkonde desen brieve bezeghelt met minen zeghele. Ghegheven int jaer ons Heren M CCC ⁱ twie ende twintich des woensdaghes na Beloken Paeschen.

¶ Hanc litteram habet Enghelbertus receptor Noirthollandie^j.