Registers van de Hollandse grafelijkheid 1299-1345

Graaf Willem III beleent Hugo Engebrechtsz. met een zate van 7½ morgen en een daarop staande woning in de polder in de Rotterban, welk goed deze hem had opgedragen in ruil voor de toestemming tot verkoop in vrij eigendom van leengoed in Schieambacht; voorts regelt hij de vererving van dit leen.

Vgl. nr. NH 178.

De onderstaande tekst is gebaseerd op afschrift B.

Wi Willaem grave van Henegouwen^a etc. maken cond etc. Want wi Hughen Enghebrechts sone orlof ghegheven hebben te vercopen onse zeven morghen lands die joncfrouwe Badeloghe, Henric Splinters^b dochter, van ons te^c rechten erfliene helt ende ghehieten^d es veren Heylekijns^e land^f g ende gheleghen es binnen Scie ambocht ende ane hem verstorven waren, zoe wien hi wil te vrien eyghen, zoe heeft hi ons opghedraghen ene ghesate^h van zeven ende ene halve morghen lands ende ene woninghe diere op staet, die seren Voppen van denⁱ Driehuzen waren^j, die^k gheleghen sien in den polre in Rotter^l ban, ende enen vrien eyghendom daer of ghegheven; wilc land ende woninghe voerscreven wi ghegheven hebben Hughen voers. ende sinen nacomelinghen van ons ende van onsen nacomelinghen te houden ten rechten erflene, binnen achtersuster^m kind niet te versterven dat comen es jof comen sal van heren Enghebrechts liveⁿ uten Broeke, ridders.

In orkonde desen brieve etc. Ghegheven in die Haghe op sinte Jans dach als hi onthoeft^o was int jaer ons Heren M CCC ende XXIII^o.