Registers van de Hollandse grafelijkheid 1299-1345

Graaf Willem III bestemt ten behoeve van de jaarlijkse betaling van 22 pond Hollands aan Gerard zoon van heer Kerstant van Raaphorst, ridder, welke rente eerst door de baljuw van Rijnland uitgekeerd werd, de opbrengsten van de erfhuren in Heer-Engebrechtsbroek bij Rotterdam, en gelast de rentmeester van Noordholland deze rente daaruit elk jaar met voorrang uit te keren.

Wi ..Willaem^a grave^b van Heynegouwen^c etc. maken cond etc. Want wi Gheraerde heren Kerstans sone van Raphorst, ons ghetrouwes ridder, omme dienst dien hi ons ghedaen heeft ende noch doen zal ghegheven hebben ende bewiset twe ende twintich pond Hollands^d sjaers van ons in rechte liene te houden, die wi hem jaerlix bewiset hadden in te nemen tote Paesken an onsen bailiu van Rijnland toter tijd dat wise hem elwaer bewiset^e hadden, waer om wi Gheraerde voirs. die twie ende twintich ^f pond Hollands^g sjaers voirscreven in allen manieren als hise te voren van ons helt in rechten liene bewiset hebben ende bewisen op onse erfhureware die wi hebben in heren Enghebrechts broec, legghende bi Rotterdamme^h, ende willen dat Gheraerdⁱ voirs. elkes jaers als die daghe van der erfhure voirs. vallen zullen voren uyt neme ende ontfanghe zine twie ende twintich pond sjaers voirscreven; ende ombieden onsen rentemeister van Noirdholland^j die nu es jof hier na wesen zal dat hise Gheraerde^k alle jare voren uyt nemen late van den eirsten ghelde datter of vallen zal.

In oirkonde etc. Ghegheven te Valenchijn^l des donresdaghes voir Pinxter^m int jaer ons Heren M^o CCC drieⁿ ende twintich^o.