Registers van de Hollandse grafelijkheid 1299-1345

Graaf Willem III stelt meester Andries, schoolmeester van Leiden, aan als klerk van zijn dochter de koningin van Duitsland, en benoemt meester Nicolaas Merre als nieuwe schoolmeester, met de bepaling dat zolang Andries geen nieuwe bron van inkomsten heeft Nicolaas hem een deel van zijn inkomen als schoolmeester zal afstaan; de hoogte van beider bedragen en de jaarlijkse dag van betaling zullen worden vastgesteld door de schepenen van Leiden, rentmeester Engebrecht en Gerard Alewijnsz., knaap.

Wi Willem^a grave etc. maken cont allen luden. Want wi meester Andries, scoelmeester van Leyden, uyt der scole vors. ghenomen^b hebbe ende gheset bi onser dochter der conincinnen van Almaegen^{c d} haer clerc te wesen, soe willen wi niet dat hi daer bi gheminret si ende willen dat hi die scole vors. behoude ter tijt doe^e dat hi elwaer versien worde, jof tot onsen wederzegghen. Voirt^f om dat wi begheren dat die scole vors. wel berecht si ende onser goder lude kinder niet versumet en worden, zo willen wi dat meester^g Nyclays Marre diese scole regiere tonsen wedersegghen toe, ende dat^h hi meester Andriese sjaers alsoe vele daer af gheve alse onsen scepen van Leyden, Enghebrechtⁱ onsen rentemeester ende Ghereyt^j Alewijns f.^k onsen knapen nu overeen draghen zullen dat weselic es an beden ziden; ende dat zalmen jaerlix betalen tote zulken daghen als si zetten zullen. Ende hier bi willen wi dat meester Andries die scole volghe ende datse meester Clays^l regiere alse^m vorscreven es; ende ombieden allen onsen lieven ende ghetrouwenⁿ scoute^o, ^p scepen, Raet ^q ende onser goeder ghemeente van Leyden^r dat zi meyster Andriese ende meyster Niclayse hier in rusteliken houden ende starken, alsoe dat zijs hem met reden beloven moghen.

In orkonde etc. Ghegheven tote Zierixe^s des dinxendaghes na der Elf dusent magheden^t dach int jaer ons Heren M^o CCC^o vier ende twintich.