Registers van de Hollandse grafelijkheid 1299-1345

Graaf Willem III geeft Alewijn, zoon van zijn klerk Gerard Alewijnsz. van Leiden, het eerst vrijkomende schroodambacht in Dordrecht, en gelast de schroders hem in hun midden op te nemen en hem dezelfde inkomsten toe te staan als zij zelf genieten; de oorkonde wordt meebezegeld door de abt van Middelburg, die getuige was van de schenking.

Vgl. nr. WI 256.

Wi ..Willaem^a grave van Heynnegouwen^b etc. maken kond etc. dat wi om trouwen dienst dien ons Gheraerd^c Alewijns sone van Leyden, onse trouwe clerc, ghedaen hevet ende noch doen zal, hebben ghegheven ende gheven met desen brieve Alewijn Gheraerds^d sone voirs. dat eirste scroedambocht dat ons open vallen zal in onser stede van Dordrecht^e na den ghenen scroetambochten die wi voir dese tijd met onsen openen brieven hebben wech ghegheven ende bewiset. Ende ombieden ende bevelen onsen scroeders van Dordrecht^f die nu sien of op die tijd wesen zullen dat zi Alewijn voirs., zoe wanneer dat dat scroedambocht voirs. verscenen zal wesen, sonder ander ghebot van ons te hebben ontfanghen over horen gheselle in dien scroedambochte met zulker costume als anders onse scroeders in ghecomen zien, sonder arghenlist; ende willen dat zi Alewijn voirs. dit voirseyde scroedambocht, als hire in wesen zal, laten selve verdienen of met enen wittachtighen knape laten doen verdienen ghelike dat die onse anders^g scroeders pleghen te doene, ende dat zi hem uyt rekenen ende op laten heffen al zulke renten ende vervalle als enich van den anderen scroeders pleghet op te heffen.

Ende om dat wi dese ghifte vaste ende ghestade willen hebben ghehouden^h, zoe hebbenⁱ wi desen brief open bezeghelt met onsen zeghele, ende mede doen bezeghelen onsen^j ghetrouwen ^k den abt van Middelburch^l met zinen zeghel ter orkonden, om dat hi daer over was. Ghegheven tote Zierixe^m n satersdaghes op sinte Symon ende Juden avond apostelen int jaer ons Heren M^o CCC^o vier ende twintich.