Registers van de Hollandse grafelijkheid 1299-1345

Graaf Willem III beleent Dirk van der Dobbe, poorter van Leiden, met de 6½ halve morgen land in het ambacht Wassenaar die deze hem in vrij eigendom had opgedragen in ruil voor de toestemming tot verkoop van 7½ akker leengoed; voorts regelt hij de verving van dit leen.

Vgl. nrs. NH 76 en 342.

Wi Willaem^a grave etc. maken cond etc.^b dat Dieric van der Dobbe, onse poirter van Leyden, ons op ghedraghen heeft enen vrien eyghendoem van zeven dalf morghen land^c, ligghende int^d ambocht van Wassennair^e toit Oistdorp^f in heren Dierix ambocht van Zudijc^g, ende heten tOudeland^h, van der oistziden in ghemeten, voir achtalf ackerⁱ lands op den Nuwen^j vene^k die Dieric voirs. van ons te leene helt ende wi hem gheoirloft^l hebben te vrien eyghen te vercoepen; wilke zeven dalf morghen land voirscreven wi verleent hebben ende verlien met desen brieve Dieric van der Dobben voirs. van ons te lene te houden, in manieren dat na siere doet comen zal op Ermetrude^m siere dochter, of op hare kinder ghebrake hoirs voir dienⁿ Dierike^o voirs., ende voirt te lene te houden de^p rechten leen houder^q, binnen achtersusterkint niet te versterven.

In orkonde etc. Ghegheven in die Haghe des vridaghes up sinte Jacobs avond int jaer ons Heren^r M CCC zeven ende twintich.