Registers van de Hollandse grafelijkheid 1299-1345

Graaf Willem III bevestigt de verkoop in vrij eigendom door Jan Dier van Rijswijk aan Gerard van Steenvoorde van 5 morgen nader omschreven grafelijk leengoed in Rijswijkerbroek.

Wi Willaem^a grave van Heynnegouwen^b etc. maken cond allen luden^c dat bi onsen wille ende oirlof es dat Jan Dier van Rijswijc^d van den tien morghen lands die hi van ons te leene helt, legghende in Rijswiker broec, vercoft^e hevet Gherijt^f van Stienvoirde vijf morghen dair of in vryen eyghen, binnen desen marken: onse vijf morghen lands die Jan voirs. behout op die west zyde, Gherijts^g land van Stienvoirde^h op die oistzide, die Delf op dat zuyt ende ende die Zwetteⁱ dat nortende; van wilken lande voirscreven wi gheven Gherijt^j voirs. enen vryen eyghendom, ende gheloven hem dien te waren als men een vry eyghen sculdich es te waren.

In orkonde desen brieve bezegheld med onsen zeghele^k. Ghegheven in die Haghe des manendaghes nae sinte Nyclaes^l dach int jaer ons Heren M^o CCC^o XXVIII^o.

¶ Desen brief hevet Enghebrecht^m, ende zal nemen den derden penning van den ghelde.