Registers van de Hollandse grafelijkheid 1299-1345

Graaf Willem III schenkt de abdij van Loosduinen ten behoeve van de eredienst wekelijks een stoop wijn uit de hof in Den Haag, en beveelt de hofmeester bij gebrek aan wijn twaalf penning Hollands per stoop uit te keren.

Wi Willaem^a grave van Heynnegouwen^b etc. maken cond allen luden^c dat wi voir ons ende vor onse nacomelinge graven van Holland^d omme Goede den goeds huze^e van Loesdunen gheven^f alle weke enen stoep wijns te saing^g wine, ende die sal hem gheven alle weke onse meister uut onsen hove in die Haghe; ende ware^h dat gheviele dat in onsen hof in die Haghe enⁱ gheen wijn en ware jof datter wijn ware dair men niet uut tappen en mochte sonder vriese^j van scade, zoe onbieden wi onsen meister voirs. jof zoe wie naemaels dair^k in die Haghe meester wesen zal dat hi den goids huze van Loesdunen voirs. elke weke gheve twaelf penning Hollands^l vor den stop wijns, ter tijd toe dat hi^m hem den wijn gheveⁿ.

Ende om dat wi willen dat dit wel ende vaste ghehouden worde, zoe hebbe wi desen brief bezeghelt^o med onsen zeghele. Ghegheven tote Rotterdamme^p op sinte Lucien dach int jaer ons Heren M^o CCC^o acht ende twintich.